web counter
LEXO PA REKLAMA!

SHKARKO APP

App Store
Google Play

E fundit!

x

Në listë për tu vrarë/ Flet ish deputeti, si e mësoi që donin ta eleminonin

19 Shtator 2022, 17:33, Aktualitet CNA
Në listë për tu vrarë/ Flet ish deputeti, si e mësoi
Ish deputeti i PDK, Xhavit Haliti,

Ish deputeti i PDK, Xhavit Haliti, i cili sipas e-mail-eve të publikuara nga hakerat ishte në shënjesëtr për tu eleminuar, ka folur më gjatë për këtë çështje.

Në një lidhje në emisionin Zona Zero, Haliti është shprehur se ende edhe sot nuk e di se kush ka dashur ta vrasë, megjithëse pranoi se është njoftuar nga policia e Kosovës se ka qenë në rrezik.

Ish deputeti shpjegon se dikush nga shërbimet antoiterror e ka njoftuar për ti komunikuar se është i rrezikuar.

Haliti thekson se ajo çfarë e shqetëson më tepër është fakti se institucionet duke qenë në dijeni të këtij fakti, nuk kanë marrë asnjë masë.

“Nuk e di se kush ka dashur të më bëjë atentat. Kam 30 vjet që kam marrë kështu informatash, por falë Zotit nuk kam pësuar gjë, por ky është një rast i veçantë. Kam qenë i informuar në muajin prill nga Policia e Kosovës, dikush nga këto shërbimet anti-terror, më ftoi për të pirë kafe në një lokal në Prishtinë, dhe më informuan se jam i rrezikuar nga dikush. As sot, dhe as atëherë nuk e kam ditur se nga kush jam i rrezikuar.

Të njëjtin informim e kam patur dhe nga shërbimet shqiptare, sidoqoftë jam këtu. Ajo që më shqetëson është se kur flasin për këtë çështje, kam pasur disa raste. Janë informuar policia e prokuroria e Kosovës, por ata nuk kanë marrë asnjë masë. Nuk e di kush paguan e kush dëshiron të bëjë veprime të tilla. Njkë situatë të njëjtë e kam pasur kur isha emigrant në Zvicër,” tha Haliti.

Ndërsa i pyetur nëse është i frikësuar, Haliti tha se nuk ka frikë nga askush. E vetmja frikë është për familjen.

“Frika është e çdo njeriu. Frikësohet për familjen e vet, për njerëzit e vet, për jetën e vet. Realisht unë e kam realizuar synimin dhe nuk kam frikë prej njeriu”, shtoi më tej Haliti./ CNA.al





Lajmet e fundit nga