E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Në garë për kreun e SPAK-ut/ Adnan Xholi prezanton platformën e tij

16 Dhjetor 2022, 10:16, Aktualitet CNA

Në garë për kreun e SPAK-ut/ Adnan Xholi prezanton

Adnan Xholi gjatë intervistës së tij për zgjedhjen e ri të kreut të SPAK-ut përpara komisionit të KPL, është shprehur se ai plotëson të gjitha kushtet për t'u zgjedhur në krye të institucionit.

Ai u zotua se do të rrisë besimin e njerëzve ndaj SPAK-ut.

"Kam mbi 24 vite eksperiencë, karriera ka pasur rritje të vazhdueshme. E kam nisur nga roli bazë deri në ngjitjen e shkallëve të karrierës. Drejtuesi duhet të ketë në vëmendje hetimet për zyrtarët e lartë dhe krimin e organizuar. Përveç kësaj drejtuesi duhet të jetë pjesë e grupit të hetimit. Drejtuesi duhet të japë kontributin e tij edhe në Gjykatën e Lartë sa u takon vendimeve unifikuese. Drejtuesi ka rolin që tërheq të gjithë trupën në një betejë. Çdo lloj prokurori i Prokurorisë së Posaçme duke respektuar ligjin dhe Kushtetutën do ketë mbështetjen time. Unë do vë në dispozicion të gjithë bagazhin tim dhe eksperiencën drejtuese për mbi 13 vite si drejtues, në hetimin e çështjeve të krimit të organizuar dhe korrupsionit. Jam i bindur se kam aftësitë e duhura për të qenë në krye të SPAK. Duhet të rrisim besimin ndaj institucionit. SPAK ka bërë një punë shumë të mirë përgjatë këtyre viteve", ka thënë Xholi.

Adnan Xholi është bërë pjesë e SPAK-ut me 23.07.2021.

Xholi ka mbajtur detyrën e Drejtorit të Drejtorisë Gjyqësore në Prokurorinë e Përgjithshme. Gjithashtu ai ka ushtruar prej më shumë se 5 vitesh funksionin e Drejtorit të Kontrollit të Hetimit në institucionin qendror të Akuzës.

Më herët, prokurori Adnan Xholi ka mbajtur poste drejtuese në prokurori lokale, si edhe për shumë vite ka qenë prokuror pranë ish-Prokurorisë për Krime të Rënda.

Në vitin 2011, si prokuror i Krimeve të Rënda dhe në bashkëpunim me autoritetet belge, holandeze, spanjolle e të tjerë, ka ndjekur hetimin e parë të zhvilluar në Shqipëri për trafikun e kokainës nga Kolumbia drejt vendit tone./CNA.al