web counter
LEXO PA REKLAMA!

SHKARKO APP

App Store
Google Play

Ndërron jetë në moshën 68-vjeçare aktori i njohur pogradecar, Ilir Shkurti

5 Prill 2026, 18:21, Aktualitet CNA

Ndërron jetë në moshën 68-vjeçare aktori i njohur

Aktori i njohur nga Pogradeci, Ilir Shkurti mbylli sytë përgjithmonë këtë të dielë në moshën 68-vjeçare.

Lajmi i trishtë është konfirmuar nga miq dhe të afërm të aktorit, të cilët përmes postimeve të bëra në rrjetet sociale duke shprehur dhimbjen për ikjen e tij nga kjo botë.

Artisti i mirënjohur, Shkurti, ishte një nga figurat më të dashura të skenës lokale por jo vetëm. I lindur më 30 dhjetor të viti 1957 në Pogradec, Ilir Shkurti i përket atij brezi të artë aktorësh që mbajtën gjallë frymën e teatrit dhe humorit lokal në periudha sfiduese.

Karriera e tij mori jetë dhe u konsolidua pranë Estradës së Pogradecit, aty ku ai skaliti emrin e tij, si një mjeshtër i roleve karakteriale.

Përmes interpretimeve brilante, Shkurti arriti të fitonte zemrat e publikut jo vetëm me teknikën e tij në aktrim, por edhe me natyrën dhe ngrohtësinë që përcillte tek ato që e rrethonin dhe të tjerë që e dëgjonin dhe shikonin në skenën e teatrit të qytetit.

Aktori nga qyteti i bukur liqenor, Ilir Shkurti mori pjesë edhe në disa prodhime të kinematografisë shqiptare, mes tyre mund të përmendim filmat “Rrethimi i vogël”, “Binarët” , “Ngjyrat e moshës”, “Shkëlqim i përkohshëm” apo dhe “Kush vdes në këmbë”.

Ndarja e tij nga jeta është një humbje e madhe për komunitetin, por vepra artistike e tij do të mbetet gjithmonë e gjallë në zemrat e të gjithëve që e njohën dhe e vlerësuan për atë çfarë i dha jetës artistike të Pogradecit.

Ai do të kujtohet për talentin e tij, humorin dhe energjinë që solli në teatër, në Estradën e Pogradecit dhe në kinemanë shqiptare. /CNA





Lajmet e fundit nga