E fundit!

12:50 Aktualitet

GJKKO gjobit avokatin e pandehur të Erion Veliajt

GJKKO ka gjobitur avokatin e pandehur të kryebashkiakut të...

Begaj, Rama dhe Berisha urojnë Pashkën Katolike

5 Prill 2026, 08:37, Aktualitet CNA

Kjo e diel ka nisur me urime të shumta edhe nga politika me rastin e Pashkës Katolike.

Presidenti i vendit, Bajram Begaj ka ndarë një mesazh për një ditë me gëzim, paqe dhe bekime në familjet e besimtarëve shqiptarë.

“Gëzuar Pashkën!

Pashka është besimi se e mira fiton mbi të keqen, mundimi mbi padrejtësinë, dashuria mbi forcën dhe drita mbi errësirën.

Pashka është besimi se jeta është forca e pashtershme që na udhëheq.

Pashka është shpresë dhe gëzim. Kjo festë na kujton se Zoti nuk na braktis kurrë dhe se dashuria e Tij është më e fortë edhe se vdekja.

Uroj që kjo ditë e shenjtë të sjellë gëzim, paqe dhe bekime në familjet tuaja!”,-shkruan Begaj në rrjetet sociale.

Begaj, Rama dhe Berisha urojnë Pashkën Katolike

Kryeministri Edi Rama ka zgjedhur të urojë Pashkën Katolike përmes një video-postimi në rrjetet sociale, ku shfaqet edhe një imazh i tij të me ngjyra dhe drita.

“Gëzuar Ditën e Re”,-shkruan Rama.

Një mesazh urimi për besimtarët e krishterë në këtë ditë feste ka ndarë edhe kryedemokrati Sali Berisha.

Bërisha ka postuar një fotografi në rrjetet sociale, ku shfaqet me bashkëshorten, Lirinë, teksa thekson veçantinë e kësaj dite.

“Gëzuar Pashkët!

Të dashur miq, sonte besimtarët katolik shqiptar dhe të mbarë botës festojnë Pashkën, ringjalljen e Krishtit Mbret.

Pashka, dita e ngjalljes së Hyjit, është për çdo njeri, për të gjithë besimtarët ditë e pavdekësisë, e besimit të madh tek Zoti, tek mirësia dhe gjithëfuqia e tij. Vetishëm, Pashka është ditë e shpresës së pashuar, e frymëzimit të njeriut nga vlerat hyjnore dhe njerëzore dhe tek një e ardhme më e mirë.

Duke ju uruar të gjithë besimtarëve katolik këtë ditë të shenjtë, ju ftoj, të dashur miq, t’i lutemi Zotit që të bekojë, shqiptarët në Shqipëri dhe kudo që janë.

Uroj nga zemra që Pashkën tjetër më mirë ta festojmë!

Lavdi Krishtit Mbret që ndryshoi botën dhe njerëzimin! Gëzuar!”,-shkruan Berisha./CNA

Begaj, Rama dhe Berisha urojnë Pashkën Katolike