web counter
LEXO PA REKLAMA!

SHKARKO APP

App Store
Google Play

My sytë e skuqur se i ka kaluar gjumi, Basha flet përçart: Rama dhe Berisha në koalicion

11 Qershor 2024, 23:02, Aktualitet CNA
My sytë e skuqur se i ka kaluar gjumi, Basha flet përçart: Rama
Lulzim Basha ne deklarate per mediat

Mbrëmjen e sotme, Lulzim Basha me sytë e skuqur ngaqë i kishte kaluar orari i gjumit, nuk ka ditur se si të justifikojë mashtrimet e tij dhe është shprehur para mediave se sot ka triumfuar një koalicion antivlerash, duke nënkuptuar se ka një bashkëpunim mes Sali Berishës dhe kryeministrit Edi Rama.

Në kufijtë e delirit dhe nga përgjumja Basha është shprehur se kundërshtari më seriozi i Ramës ka qenë Lulzim Basha.   

“Ne duam një Shqipëri europiane. Ne na lidh bindja me shqiptarët se ata meritojnë fundin e ciklit të dhimbshëm të tranzicionit.

Me këtë vetëdije do ta vazhdojmë bashkëbisedimin me shqiptarët dhe demokratët. Ajo që kemi vendosur është që mos lëmë askënd pa marrë me vete në këtë vendimmarrje. Kjo betejë nuk ka qenë kurrë për vulë e për karrige.

Ne do të gjejmë rrugën më të mirë. Duket qartë se është përvijuar koalicion antivlerash në horizont dhe ka alibi për të mbajtur Ramën në pushtet.

Kjo qeveri ka zvogëluar hapësirat për debat publik. PD dhe demokratët do të largojnë këtë qeveri, nëse vendimet i shërbejnë kësaj, do të ecim përpara.

Nuk mund të mbajmë në këmbë pazare të vjetra. Ne luftojmë për interesat e njerëzve dhe jo personale. Nëse do të dish sesi ndihem, unë ndihem demokrat dhe ne kemi përgjegjësi ndaj të gjithë atyre që këtë betejë e bëjnë për idealet demokratike. Rama kundërshtar serioz të tij ka pasur vetëm Bashën”, tha Basha./ CNA





Lajmet e fundit nga