web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhja e Belerit si eurodeputet/ Sejamini: Qeveria greke do ta përdorë si levë

10 Qershor 2024, 21:47, Aktualitet CNA
Zgjedhja e Belerit si eurodeputet/ Sejamini: Qeveria greke do ta
Analisti Neritan Sejamini

Analisti Neritan Sejamini ka komentuar zgjedhjen e Fredi Belerit si eurodeputet në Greqi.

I ftuar në emisionin "Të Paekspozuarit" me Ylli Rakipin, Sejamini është shprehur se është një triumf për Belerin dhe për partinë "Nea Demokracia".

Sipas Sejaminit zgjedhja e tij tashmë është kthyer në një kazus të të drejtave të njeriu dhe minoriteteve.

Analisti theksoi se Beleri është një levë në duart e qeverisë greke.

“Ky është një triumf për Belerin, edhe për “Nea Demokracia” dhe kryeministrin grek, Mitsotakis. Në fund të ditës, ti do të kesh sot një eurodeputet. Supozojmë se ai do të bëhet realitet, pra do të marrë mandatin, i cili është zyrtarisht sipas tyre, sipas tij, sipas qeverisë që e ka sjellë. Sipas vendit që ai tani përfaqëson, që është Greqia, një i burgosur politik.

Dhe në njëfarë mënyre, zgjedhja e tij, domethënia kryesore, ka pikërisht këtë gjë. E kthen atë në një kazus të drejtave të njeriut, e kthen atë në kazus të të drejtave të minoriteteve. 

Na pëlqen apo s'na pëlqen neve me të drejtë apo pa të drejtë, tani ai ka mundësinë që çështja e tij të marrë përmasa europiane dhe ai në një farë mënyre të kthehet në një simbol apo mini-simbol i përpjekjes së njerëzve kundër dhunës, kundër shkeljes së të drejtave të njeriut, kundër shkeljes së drejtave të minoritetit.

Dhe kjo është diçka të cilën jam i bindur që e ka përdorur edhe Greqia, pasi duke qenë se ai është bërë deputet tashmë dhe do të jetë anëtar i një grupi parlamentar, faktikisht grupi më të madh parlamentar në Parlamentin Evropian, që është grupi i partive popullore evropiane ku bën pjesë “Nea Demokracia”. 

Fakti që ai është një anëtar i një grupi tjetër, pra praktikisht i një partie tjetër, e bën atë të mos jetë më një individ, por të jetë thjesht një mjet, një levë në duart e “Nea Demokracisë” apo të kryeministrit grek, apo të qeverisë greke.

Është një çështje e cila filloi politikisht që në momentin që ai u emërua nga opozita shqiptare, e cila e emëroi atë qëllimisht politikisht për të krijuar probleme politike.

Vazhdoi politikisht me ndërhyrjen brutale të kryeministrit Edi Rama, duke e sulmuar personalisht gjatë fushatës zgjedhore dhe me gjasa duke ndikuar drejtësinë për të. Për ta futur atë në kurth dhe pastaj për ta hetuar dhe për ta dënuar, ndoshta me të drejtë, pasi ai u fut në kurth dhe ndoshta e kreu veprën penale për të cilën akuzohet.

Pra, e dyta ishte qeveria shqiptare që e përdori politikisht, dhe treta pastaj është qeveria greke që e përdori politikisht. Mbasi u përpoq të bënte presion, gjeti një mënyrë fati, rrethanat.

Konçidenca kohore i dha asaj një mënyrë të re për të për t'u hakmarrë, po të duash, apo për ta kthyer këtë çështje nga një çështje thjesht bilaterale Shqipëri-Greqi, tani do ta bëjë një çështje evropiane, pasi sikurse e thashë, rasti i tij do të shpallet nga Greqia si rast i një dënuari politik, si rezultat i shkeljes së drejtave të minoritetit grek në Shqipëri”-tha Sejamini./ CNA





Lajmet e fundit nga