web counter
LEXO PA REKLAMA!

SHKARKO APP

App Store
Google Play

Muharrem Meko: Lali 99-çit ia vodhën 20 milionë eurot e inceneratorit, apo firmosi vetë

17 Korrik 2024, 18:35, Aktualitet CNA
Muharrem Meko: Lali 99-çit ia vodhën 20 milionë eurot e
Kryebashkiaku i Tiranës, Erion Veliaj

Gazetari dhe ish-kryetari i PS-së Korçë, Muharrem Meko, e ka cilësuar kryebashkiakun e Tiranës si njeriun kryesor të aferës së inceneratorëve dhe korrupsionit me dosjen “5D”.

Meko kujton se si Veliaj shkoi nga 99-çat në PS me premtime të mëdha dhe tashmë ka përfunduar në SPAK për megaafera.

Ai përmend gjetjen e SPAK-ut se janë pastruar 20 milionë euro nga grupi i strukturuar kriminal i inceneratorit të Tiranës dhe shtron pyetjen nëse Veliaj ka firmosur vetë për këto para apo nëse ia kanë vjedhur nga kasaforta

Ish-kreu i PS-së Korçë deklaron se sqarimi i kësaj enigme zbulon kush është kryetari i të gjithë aferës.

Gjithashtu, Meko thekson se Veliajn nuk e ka dashur asnjëherë dhe e klasifikon si të keqen më të madhe të këtij vendi.

Muharrem Meko: Lali 99-çit ia vodhën 20 milionë eurot e
Gazetari dhe ish-kryetari i PS-së Korçë, Muharrem Meko

Deklarata e plotë:

Mbaj mend se kam qenë nga të paktët që kur 99-çat mësynë në selinë tonë, atje në qendër, për të nxjerrë prej andej Profesorë e Profesoresha me emër, intelektualë e intelektuale me famë, me një fjalë kontributorët e paepur, etj., etj., thashë me zë të lartë; -"shpëtuam"!

E sot, kur shikoj se si shumë prej tyre hyjnë e dalin në dyert e SPAK-ut, si në shtëpinë e tyre, e sidomos kur sulmojnë "korifeun" e tyre, s’më vjen mirë fare... po fare!

- ndjej pështjellim thellë meje e më pushton trishtimi!

Dashakeqtë me dashje e ngatërrojnë me inceneratorin... (!) akuzë kjo që s’ka bythë të qëndrojë, akuzë që duket sheshit se po përdoret djallëzisht për të zbehur shkëlqimin e tij... edhe pse duan e thonë se inceneratori vërtetë nuk ekzistoka!

Medemek, inceneratori s’ekzistoka fare e se paskan avulluar 20 mln euro... zot mbaju mendjen (!)

- More zotërinj po 20 mln euro, s’janë 20 milionë lekë shqiptare... t'i numurosh duhen ditë të tëra e jo më të grabitesh një maune me letër me vleren e peshën e EURO-s...

- Ok?!

Pa le kur deklarojnë se paskan gjetur edhe destinacionin... - "5 HD"!

Për më tepër që mua thellë në kokë, sepse më trazon edhe një tjetër pyetje; duket si kot fare, por që edhe mund të na sqaronte diçka...

P.sh ; -20 mln eurot, i kanë vjedhur nga kasaforta e lali 99-çit, apo me firmën e tij, kanë kaluar nga llogaria e shtetit në atë të "5 Horave"?!

- Do të mjaftonte vetëm kaq o SPAK e do të sqarohej kjo enigmë; domethënë kush ka firmosur për transfertën e shumës marramendëse, si shpërblim për ngritjen e inceneratorit gjigand, ai është edhe fajtori - pikë!

Në fakt, po u gjet i zoti i firmës, edhe "hasetçinjtë" do të pushonin njëherë e mirë e s’do të na e përtypin krye 99-çin, si njeri pa njeri.

Shënim ! - ... Në fakt as kam dashur e as dua t'ua shikoj bojën, përkundrazi, që ditën që kapërcyen pragun e shtëpisë sonë të përbashkët, i kam klasifikuar si e keqja më e madhe e këtij vendi!

Po të bëjë.../ CNA





Lajmet e fundit nga