web counter
LEXO PA REKLAMA!

SHKARKO APP

App Store
Google Play

Rama, kritika për rritjen e çmimeve në Jug/ Hysni Sharra nuk e kursen

17 Korrik 2024, 15:15, Aktualitet CNA

Rama, kritika për rritjen e çmimeve në Jug/ Hysni Sharra nuk e

Kandidat i koalicionit Bashkë Fitojmë për kryetar të Bashkisë Vlorë, Hysni Sharra, ka reaguar pas deklaratës së kryeministrit Edi Rama në lidhje me rritjen e çmimeve në Jug.

Sharra nuk e ka kursyer Ramën duke i thënë se rritja e çmimeve ka ndodhur për shkak të politikave dhe kryebashkiakëve të tij.

Sharra ka renditur disa nga faktet që sipas tij kanë ndikuar në rritjen e çmimeve.

“T'i thotë dikush këtij që asnjëherë nuk di çfarë ndodh, që rritja e çmimeve ka ndodhur për shkak të politikave që ky vetë dhe yes-men-ët e tij kryetarë bashkish kanë ndjekur:

1. Rritja në masën 30% e tarifës së ndriçim-pastrim-gjelbërimit

2. Rritja nga 30% deri në dyfishim e tarifës së zënies së hapësirës publike, përfshirë edhe atë të stacionit të plazhit

3. Minimalisht dyfishimi i taksës së fjetjes në hotel

4. Rritja nga 1.5 deri në dyfish e taksës së ndikimit në infrastrukturë

5. Zënia plotësisht dhe shfrytëzimi nga privatët e gjithë plazheve

6. Mungesa e ujit të (pa)pijshëm dhe investimet që u duhen operatorëve për ta siguruar atë

7. Detyrimi me dhunë për impiantet e pastrimit të ujërave që u kushtojnë bizneseve nga 15 mijë deri nê qindra-mijëra euro

8. Boshatisja e vendit dhe mungesa e fuqisë punëtore të kualifikuar që ka sjellë rënie të cilësisë dhe rritje të kostove

9. Vendosja në tatim e një kategorie të caktuar të shërbimeve

10. Rrëmuja në trafik, plazhet dhe qytetet e papastra, vija bregdetare dhe infrastruktura e shkatërruar në qytetin e Vlorës, dhe në aksin Vlorë-Orikum.

E të tjera e të tjera o Kokov!”, shkruan Hysni Sharra./ CNA





Lajmet e fundit nga