web counter
LEXO PA REKLAMA!

SHKARKO APP

App Store
Google Play

Manja "ushqen" shpresën e “Babales”/ Nëse votohet në parlament, ja kush përfiton nga amnistia

24 Janar 2024, 21:43, Aktualitet CNA
Manja "ushqen" shpresën e “Babales”/ Nëse
Ulsi Manja, minister i Drejtesise

Ministri i Drejtësisë Ulsi Manja ka ushqyer shpresat e Ervin Salianjit, i njohur si “Babalja”.

Gjatë një interviste, Manja ka komentuar kërkesën e bërë nga PD, e cila përmes një amendamenti kërkon që Salianji të aminstohet.

Manja tha se amnistitë nuk marrin në konsideratë emra të përveçëm, pavarësisht funksionit apo detyrës.

Sipas ministrit nëse projektligji për Amnistinë do të marrë votën e 84 deputetëve, përfitojnë afërsisht 700 të dënuar që sot janë në institucione dhe rreth 2 mijë e 72 të dënuar me shërbim prove.

“Nga kjo amnisti nëse do të marrë votën e 84 deputetëve përfitojnë afërsisht 700 të dënuar që sot janë në institucionet tona dhe rreth 2 mijë e 72 të dënuar me shërbim prove. Amnistitë nuk marrin në konsideratë emra të përveçëm, pavarësisht se çfarë funksioni apo detyre mbajnë. Ne kemi një qëndrim të qartë, i kemi përjashtuar nga amnistia të gjithë personat e dënuar apo që hetohen dhe gjykohen për krime kundër drejtësisë. Është qëndrim ky dhe këtu nuk merren në konsideratë emra. Ne kemi thënë që kush është dënuar për një krim kundër drejtësisë, nuk përfiton nga amnistia. Këtë të drejtë nuk ua kemi dhënë as burrave, as grave, as të miturve, thjesht i kemi futur si kategori përfituese. Nuk dua të ndalojë në emra konkretë”, ka thënë Manja./ CNA





Lajmet e fundit nga