Kreu i SPAK-ut, takime në DASH: Po verifikojmë zyrtarë e ish-zyrtarë të lartë

6 Gusht 2022, 13:23, Aktualitet CNA
Kreu i SPAK-ut, takime në DASH: Po verifikojmë zyrtarë e
Foto ilustruese

Kreu i Prokurorisë së Posaçme, Arben Kraja, dhe drejtuesja e BKH-së, Aida Veizaj, vazhdojnë vizitën e tyre zyrtare në Shtetet e Bashkuara të Amerikës.

Ata kanë takuar zyrtarë në Departamentin e Drejtësisë ku në fokus ka qenë lufta kundër korrupsionit dhe krimit të organizuar në vendin tonë.

Dy zyrtarët e lartë të SPAK-ut dhe BKH-së do të zhvillojnë takime dhe me drejtues të FBI-së dhe DEA-s dhe temat e diskutimeve do të jenë të njëjta.

Gjithashtu këto takime do shfrytëzohet nga Kraja dhe Veizaj për t’u prezantuar partnerëve amerikanë arritjet e këtyre dy strukturave.

Drejtuesi i SPAK-ut gjatë qëndrimin në SHBA dha një intervistë për "Zërin e Amerikës", ku shprehu vendosmërinë për të luftuar korrupsionin.

Ai sqaroi se çështje të rëndësishme po hetohen nga SPAK-u dhe po verifikohen veprimet e disa zyrtarëve dhe ish-zyrtarëve në çështjet e koncesioneve ne shëndetësi apo edhe kontratat e inceneratorëve.

Prokurorinë e Posaçme e pret një vjeshtë e ngarkuar, dukë qenë se gjatë muajit korrik u pyetën ish-ministra, drejtorë të rëndësishme në administratë, ish-kryetarë dhe kryetarë aktualë bashkish./Euronews

 

Lajmet e fundit nga