web counter
LEXO PA REKLAMA!

SHKARKO APP

App Store
Google Play

E fundit!

x

Dështon turizmi i organizuar i Ramës/ Bregut të Vlorës nuk i heqin skafet, por dritat

5 Gusht 2022, 17:03, Aktualitet CNA
Dështon turizmi i organizuar i Ramës/ Bregut të Vlorës nuk i
Foto ilustruese

Shkëputja e energjisë elektrike vazhdon ende të jetë një problem që shqetëson shqiptarët.

Sot në zonat si  Orikum,Tragjas, Radhimë, ka patur shkëputje të energjisë elektrike, prej dy orësh.

Qytetarët janë shprehur të shqetësuar për këtë gjendje duke qenë se jemi edhe në pikun e sezonit turistik dhe këto zona në këtë kohë janë të mbushur me turistë vendas dhe të huaj.

Po rezulton se mungojnë gjërat bazë. Mungojnë dritat, mungon siguria, në shumë zona të mbysin plehrat, pa u ndalur tek trafiku që është një gangrenë më vetë.

Por siç duket këto nuk janë probleme dhe shqetësime për kryeminsitrin Rama, i cili pak ditë më parë, u shpreh para mediave se  ky është sezoni më i organizuar, më i rregullt dhe më i pastër turistik.

 “Ky është sezoni më i organizuar, më i rregullt e më i pastër turistik ndonjëherë falë punës së palodhur që kemi nisur qysh shtatorin e shkuar!Ishte deri dje edhe sezoni më i qetë e më i sigurtë,me plazhet publike dhe rrjetin e vrojtuesve të plazhit organizuar si asnjëherë tjetër,“ është shprehur kryeministri Rama pak ditë më parë, kur doli dhe po përpiqej të justifikohej për ngarjen tragjike të Himarës.

Si të mos mjaftonin tragjeditë që po tronditin familjarët dhe opinionin publik, qytetarët duhet të përballen edhe me ndërprerjen e energjisë.

Siguria në plazhe është thuajse inekzistente, dhe kjo u vërtetua me rastet e goditjes së pushuesve nga gomonet dhe skafet.

Pak ditë më parë, plazhi i Potamit në Himarë u përgjak nga vrasja e vogëlushes Jonada Avdia, së cilës jetën ia mori një oficer policie më skaf duke e përplasur teksa qëndronte në breg të detit.

Pra në vend që në këtë vend të merren masa dhe të hiqen skafet për sigurinë e qytetarëve që zgjedhin të kthehen në vendin e tyre për të pushuar dhe gjenden përballë tragjedive, ata përballen me shkëputjen e energjisë elektrike.

Ky nuk është turizëm por një torturizëm rilindas./CNA.al





Lajmet e fundit nga