web counter
LEXO PA REKLAMA!

SHKARKO APP

App Store
Google Play

"Kemi përballë një njeri që nuk kupton"/ Deputeti i PD-së: Opozita duhet të jetë më radikale

24 Mars 2026, 21:35, Aktualitet CNA

 "Kemi përballë një njeri që nuk kupton"/ Deputeti

Deputeti i Partisë Demokratike, Edi Paloka ka folur mbrëmjen e sotme lidhur me aksionin opozitar dhe protestat e organizuara nga opozita.

Në një intervistë për “A Krasta Show” në Syri Tv,  Paloka u shpreh se opozita duhet të jetë më radikale në “betejën” e saj, pasi sipas tij nuk ka zgjidhje tjetër.

Ai tha më tej se “e keqja” e vendit janë kryemistri Edi Rama dhe qeveria e tij dhe shtoi se për largimin e tyre zgjidhjen duhet ta japë opozita.

“Kështu që kam qenë gjithmonë i mendimit që opozita duhet të jetë më radikale, të gjejë rrugë të tjera, po përdor prapë termin radikale, sepse nuk ka zgjidhje tjetër. Ne nuk kemi përballë një njeri që kupton, njeh demokracinë, pranon kundërshtarin e të tjera e të tjera. Janë prova që ai i ka dhënë në fakt që herët. Nuk kishte nevojë për 13 vjet që të arrinim këtë konkluzion.

Ky njeriu që siç e kujtojnë shumë, erdhi në fillim domethënë edhe arriti edhe të mashtrojë një pjesë të njerëzve. Erdhi gjoja si trendi, si i riu, domethënë përballë të ‘vjetrit’ Berishës, që ky ishte më europian, më modern, ky do sillte ndryshime pozitive.

Sot unë ja kam shkruajtur dhe me një status, për fat të keq ky ka treguar që ky as te sholla e këpucës së Gramoz Ruçit nuk shkon dot. Të atij Gramozit, ish-sekretarit të partisë e të tjera me të gjitha të zezat. Ky moderni, trendi, europiani e të tjera e të tjera, ky nuk arriti të shkojë as te sholla e këpucës së Gramoz Ruçit tek ajo parti. Pra, ai është fatkeqësia. Ajo është e keqja, qeveria dhe ai. Këtu nuk ka më dilema. Si zgjidhet? Kjo është pyetja që vazhdojmë ta bëjmë ne, ta bëjnë të gjithë, dhe që opozita në një farë mënyre duhet t'i japi përgjigje.

Në fakt mua jo protestat, edhe këto protestat që po bëjmë ne, vetëm me dhunë nga ana jonë nuk më duket se ka. Tashi nuk dua ta banalizoj, po ca fishekzjarre dhe ca shishe molotov që hedhiN, njerëz të revoltuar, të rinj aty, që gjithmonë i hedhin në një kuadrat ku as pemët nuk dëmtohen. Nuk më duket se ka ndonjë dhunë të madhe këtu, të jemi të sinqertë. Por le ta zëmë se edhe kaq dikujt i duket dhunë, për parimet që ka”, u shpreh Paloka. /CNA





Lajmet e fundit nga