E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Detaje nga seanca në GJKKO/ Dumani "i tregon vendin" avokatit të Veliajt: Ne flasim me akte jo me hamendje

24 Mars 2026, 17:20, Aktualitet CNA

Janë zbardhur detaje nga seanca e dytë e gjykimit në themel të kryebashkiakut të arrestuar të Tiranës, Erion Veliajt dhe të pandehurve të tjerë.

Prokurorët Altin Dumani dhe Ols Dado kanë lexuar në seancë procesverbalin e dorëzimit të akteve hetimore në burgun e Durrësit, kryebashkiakut Erion Veliaj, ndërsa ky i fundit edhe është përplasur me oficerin e BKH-së.

Sipas procesverbalit të lexuar nga Dado, Veliaj ka kërcënuar dhe ofenduar oficerin e BKH-së, Samet Gurguri.

Konkretisht, prokurori Dado është shprehur: “Që në fillim, Erion Veliaj ka shfaqur sjellje kundërshtuese, edhe fyese ndaj hetuesve të BKH. Ka qenë reagim jo etik dhe fyes, duke refuzuar të marrë aktet. Në këto kushte është larguar dhe ka vënë në dijeni të gjithë zinxhirin në burg, që nga juristët e deri tek drejtuesit. Ata të gjithë së bashku kanë shkuar t’i sqarojnë Erion Veliajt arsyen. Është kundërshtuar dhe Veliaj i është drejtuar me fjalët “Gruaja ime abortoi dy herë. Më keni shkatërruar. Ols Dado ka 30 apartamente. Ky pis, abortin e dy fëmijëve të mi s’kam për ta falur.” Më pas, në një dhomë janë vendosur nga Samet Gurguri dhe juristët e IEVP dokumentet dhe aktet në paraburgim”.

Lidhur me gjuhën kërcënuese dhe fyese të Veliajt ndaj oficerit të BKH-së, në seancë ka reaguar dhe prokurori Altin Dumani. Ai është drejtuar avokatit të Veliajt duke i thënë se duhet të jenë të kujdesshëm kur përmenden hetuesit e BKH-së.

“Hetuesit nuk janë ngarkuar të njohin të pandehurin me aktet, të jeni të kujdesshëm kur përmendni hetuesit e BKH-së. Ata kanë shkuar aty për të zbatuar vendimin e gjykatës. Nuk ka akte “hopshe”, po zoti avokat shko tek sekretaria e gjykatës dhe shiko sa akte ka aty dhe shikoni nëse janë dorëzuar të gjitha. Mos improvizo situata që nuk ekzistojnë. Ne flasim me akte jo me hamendje avokat. Ju flisni me hamendje ne flasim me akte”, është shprehur Dumani. /CNA