web counter
LEXO PA REKLAMA!

SHKARKO APP

App Store
Google Play

E fundit!

x

Ish-deputeti socialist u bë avokat i Veliajt/ Dumani: Ndodhet në kushte papajtueshmërie, u pyet gjatë hetimit të dosjes

24 Mars 2026, 16:08, Aktualitet CNA

Ish-deputeti socialist u bë avokat i Veliajt/ Dumani: Ndodhet në

Prokurori i SPAK-ut, Altin Dumani ka thënë sot në seancën e dytë në themel që po zhvillohet në Gjykatën e Posaçme për çështjen ndaj kryebashkiakut të arrestuar të Tiranës, se ekziston një element i papërshtatshëm në caktimin e Plarent Ndrecës si avokat mbrojtës i Erion Veliajt.

Sipas Dumanit, caktimi Ndrecës është në kushte papajtueshmërie sepse ish-deputeti i PS-së është marrë në pyetje nga Prokuroria gjatë hetimit për këtë dosje.

“Do ndalem vetëm tek i pandehuri për te cilin gjykata duhet të procedojë, pasi të pandehurit e tjerë janë të pranishëm. Në lidhje me të pandehurin Erion Veliaj ka marrë dijeni për seancën dhe ka kërkuar të përfaqësohet nga avokati i tij Plarent Ndreca. Ky avokat është pyetur në kuadër të këtij procedimi penal, dhe mund të jemi në kushtet e papajtueshmërisë të mbrojtësit, duke qenë se ai është pyetur gjatë fazës së hetimit paraprak. Sa i takon Meriman Palushit ky i pandehur ka ngelur pa mbrojtje duke qenë se avokatja e tij ka hequr dorë. Për të pandehurin Meriman Palushi duhet të caktohet një avokat kryesisht. Po ashtu edhe e pandehura Ina Goxhaj ka marrë dijeni për seancën, duhet t’i caktohet një avokat kryesisht. E para nuk është kërkesë, por është një rrethanë por ne nuk mund të rrimë pa e bërë prezent para gjykatës.  Për ne nuk ka asnjë problematikë që të vijojnë mbrojtjen me zotin Ndreca. Ne ia lamë në çmim gjykatës por duam të shmangim kushte papajtueshmërie në të ardhmen”, -është shprehur Dumani./CNA





Lajmet e fundit nga