E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Karamuço zbulon shtetet që kanë shërbime sekrete në Shqipëri

30 Korrik 2025, 21:59, Aktualitet CNA

Karamuço zbulon shtetet që kanë shërbime sekrete në

Eksperti i kriminalistikës, Ervin Karamuço i ftuar në emisionin “Now” me Erla Mëhillin ka folur për shërbimin sekret në vendin tonë, për të cilin tha se ka dy degë, kombëtare dhe ndërkombëtare, ekzaktësisht zbulim dhe kundërzbulim.

Karamuço tha se sa i përket nivelit ndërkombëtar jemi aktivë si shërbim në rajon dhem më gjerë.

Sa u përket agjenturave të vendeve të huaja në Shqipëri, eksperti ka thënë se ka disa shtete që kanë agjentë në vendin tonë, duke filluar nga SHBA, Lindja e Mesme apo dhe vende jomike. Gjithashtu ka dhe vende që kryejnë misione ilegale, tha eksperti.

“Shërbimi ynë sekret ka dy degë; ajo kombëtare dhe ndërkombëtare, pra zbulimi dhe kundërzbulimi. Në degën kombëtare shtrirja e brendshme dhe funksionet e institucionit që kemi janë të lidhura me ekstremizmin e dhunshëm, terrorizmin, trafiqet, krimin e organizuar, që ndiqen brenda vendit dhe kanë të bëjnë me parandalimin e akteve, që lidhen me të huaj por edhe vendas. Në nivel ndërkombëtar si shërbim jemi ende aktiv në rajon por edhe më gjerë. Ne kemi pasur një rrjet shumë aktiv në Britaninë e Madhe, kryesisht për krimin e organizuar të lidhura me celula që bënin trafikun e paligjshëm.

Jemi aktiv në disa prej këtyre shteteve për çështje konkrete ku kërkohet ndihma jonë për shkak të paligjshmërisë së grupeve kriminale. Këtu te ne ka shërbime inteligjente, pranë çdo ambasade. Disa prej tyre si CIA kanë stacioni e tyre, ka më shumë se dy agjentë dhe bashkëpunëtore, disa linja që koordinohet nga shefi i stacionit. Te ne ka qenë një grua tani është një burrë, por japin një ndihmë të jashtëzakonshme për shtetit shqiptar që nga viti ‘91. Gjatë luftës në Kosovë stacioni i CIA për herë të parë është zhvendosur në Shkodër për çështje sigurie dhe rakordimit të informacionit. Kemi dhe agjentura të vendeve jo mike, që kryejnë një aktivitet që nuk është konform interesave të shtetit shqiptar; marrin informacion, japin, spiunazh industrial. Janë shumë shërbime prezente në Shqipëri edhe nga Lindja e Mesme. Veç Mosadit, por edhe nga vende arabe, sidomos para luftës së Kosovës apo para se të bëheshim anëtarë të NATO. Ato mbahen nën mbikëqyrje me kë janë të lidhur, shumë prej këtyre celulave vazhdojnë punën e tyre dhe ne i mbajmë në monitorim. Ka edhe grupe që kryejnë misione ilegale”, tha Karamuço.