web counter
LEXO PA REKLAMA!

SHKARKO APP

App Store
Google Play

Jul Deda sfidon Veliajn/ "Jam gati të kandidoj për kryetar bashkie"

17 Tetor 2022, 19:44, Aktualitet CNA
Jul Deda sfidon Veliajn/ "Jam gati të kandidoj për kryetar
Aktori Julian Deda

Aktori i njohur, Julian Deda, njëkohësisht edhe anëtari i Këshillit Kombëtar të PD-së, ka treguar se është gati të kandidojë për kryetar bashkie përballë Erion Veliajt, nëse demokratët e vendosin këtë gjë.

Gjatë një interviste në Euronews Albania, Deda u shpreh se këtë gjë duhet ta vendosin demokratët, dhe se do ishte i gatshëm që të zhvishte kostumin e aktorit për atë të kryetarit të bashkisë dhe të punonte për kryeqytetin.

 “Tani, ndoshta ka ardhur koha që ta marrin në dorë njerëzit atipikë, që i shohim përditë, që vuajnë njësoj si ne. Kemi nevojë t’i shohim këto njerëz të na drejtojnë, ndoshta këto  njerëz na e dinë më mirë hallin, sesa një politikan i sprovuar në karrierë, i cili i ka mbyllur hallet e veta.

A do doja unë të isha? Nëse demokratët e vendosin, po. Do doja të isha, nuk ka asnjë problem. E kam me shumë dëshirë dhe pse jo, pse mos të jem, nëse demokratët vendosin. Por duhet të jemi të gjithë bashkë që ta vendosim. Atë do ta vendosin demokratët dhe gara brenda Partisë Demokratike. Nëse vendosin demokratët, unë do të jem i gatshëm të zhvishem nga këto rroba që kam sot dhe të mbyllem në kullë dhe të punoj për kryeqytetin, patjetër”, theksoi ai./ CNA.al





Lajmet e fundit nga