Ai rasti kur dëgjon Enkelejdin dhe të duket Majko jurist

17 Tetor 2022, 18:48, Aktualitet CNA

Ai rasti kur dëgjon Enkelejdin dhe të duket Majko jurist

Foto ilustruese

Mbledhja e sotme e Komisionit të ligjeve kur shqyrtohej "amendamenti Alibeaj" duhet shikuar nga të gjithë.

Nga debati në atë mbledhje mund të kuptosh se si një njeri që ka qenë Ministër Drejtësie i qeverisë së Sali Berishës, nuk është i aftë as ti gjejë vendin një amendamenti dhe as të formulojë me logjikë një amendament.

Alibeaj në amendamentet e depozituara në Kuvend me firmë personale, kërkon hapjen e dosjeve të Sigurimit të Shtetit që nga 29 Nëntor 1944, deri ne 2 Korrik 1991.

Ndërhyrja e Pandeli Majkos duket e logjikshme dhe ai fton Alibeajn që të refkektojë të paktën për këtë fakt. Nuk ka njeri dyshime që Sigurimi i Shtetit nuk ekziston që nga 29 Nëntori 1944.

Nese ndjek dialogun kupton se ose Alibeaj është i marrë dhe nuk është i aftë të thithë çfarë i thotë bashkëbiseduesi, ose amendamenti është bërë qëllimisht i keq që ai mos e shohi dritën e diellit.

Debati në Komision:

Enkelejd Alibeaj: Me hyrjen në fuqi të këtij ligji çdo institucion ka detyrim të publikojë bibliografinë e dokumenteve të shtetit për periudhën 29 nëntor 1944 deri në 2 korrik 1991 të deklasifikuara plotësisht. Çdo person gëzon të drejtën të njihet me dokumentet e ish sigurimit të shtetit dhe të kërkojë një kopje të tyre në përputhje me ligjin për informimin. Unë gjykoj që këtu e ka vendin. Nëse e miratojmë për teknikë legjislative mund ta çojmë ku të doni ju.

Pandeli Majko: Ajo që ne ndahemi këtu është se ne jemi për hapjen e dosjeve sipas të gjitha propozimeve. Ne themi duhet të jemi pak më të rezervuar. Ta lëmë hapjen e dosjes si marrëdhënie mes viktimës dhe dosjes së tij. Ju doni që dosja të bëhet si Facebook.

Ajo që po kërkon edhe relatorja dhe ato që tha kryetarja e komisionit të ligjeve është se kemi të bëjmë me afate. Po diskutojmë për fatin e viktimave. Ti tani do që të na vësh ne në pozitë të vështirë që të thuash maxhoranca nuk do hapjen e dosjeve. Po diskutojmë për një dramë. Nëpër dosje ka edhe detaje, të cilat ndoshta edhe i përndjekuri nuk do që t’i dijë sepse ka të përndjekur që janë detyruar të bëjnë spiunin.

Nuk e kanë mbajtur spiunët regjimin komunist. E kanë mbajtur ca të tjerë. Ne e bëjmë diskutimin sikur të gjithë sistemin e paskan mbajtur këta. Mos insistoni kaq shumë për t’i futur një bojë të djathtës që e keni bërë fërtele.

Ju kërkoni hapjen e dosjeve të sigurimit të shtetit që nga 29 Nëntor 1944, deri ne 2 Korrik 1991. Ka pasur sigurim shteti në 29 nëntor?

E kishin mendjen ata që po vriteshin për të ndërtuar burgun e Burrelit?! Nëse duam të bëjmë retorikë, pas 30 vitesh këto janë budallëqe. Të na thoni ne se ju nuk doni të hapni këto, nuk ka kuptim më. Propozimet që vijnë nga autoriteti dhe me mirëkuptimin e tyre. Ka në dosje detaje që edhe vetë viktima nuk është i interesuar. Janë bërë spiunë njerëz që kanë qenë të përndjekur. Nuk më takon mua ta them këtë duhet ta thoni ju. Na vjen këtu diskuton si adoleshent.

Enkelejd Alibeaj: Ti je kokrra e komunistit dhe s’mund të na mbash leksion këtu.

Pandeli Majko: Ik ore budalla. Vjen këtu dhe flet si adoleshent!/ CNA.al