web counter
LEXO PA REKLAMA!

SHKARKO APP

App Store
Google Play

Integrimi në BE/ Ministri Krichbaum: Duhen zbatuar reformat në drejtësi, të vijohet lufta kundër korrupsionit

23 Janar 2026, 16:01, Aktualitet CNA

Integrimi në BE/ Ministri Krichbaum: Duhen zbatuar reformat në

Ministri i Shtetit për Europën në Ministrinë e Jashtme Federale, Gunther Krichbaum, ka zhvilluar një sërë takimesh ditën e sotme në Tiranë duke filluar me kryeministrin Edi Rama, me ministren e Shtetit për Administratën Publike dhe Antikorrupsionin, Adea Pirdeni, zv.ministren e Jashtme Megi Fino, bashkëkryetarët e Këshillit Kombëtar për Integrimin Europian, Taulant Balla dhe Jorida Tabaku, kryetarin e Grupit Parlamentar të Partisë Demokratike, Gazment Bardhi, si dhe me drejtuesin e Prokurorisë së Posaçme SPAK Klodian Braho.

Krichbaum theksoi se Gjermania është një mike dhe kritike e Shqipërisë pasi do ta shohë atë në BE.

Ministri gjerman nënvizoi se Shqipëria gjendet aktualisht në një moment vendimtar dhe rruga drejt BE duhet çuar përpara me vendosmëri.

Krichbaum deklaroi se kjo bëhet duke zbatuar reformat e radhës në fushën e shtetit të së drejtës dhe të vijohet me luftën kundër korrupsionit dhe krimit të organizuar.

“Për shkak se ne duam ta shohim Shqipërinë në Bashkimin Europian jemi njëkohësisht mik, mbështetës dhe kritik në rrugën e saj drejt BE-së. Ne shohim potencialin tejet të madh dhe përpjekjet e Shqipërisë për reforma, por edhe sfidat kombëtare, rajonale dhe ndërkombëtare në procesin e anëtarësimit në BE. Edhe për këtë arsye ishte e rëndësishme për mua të zhvilloja biseda të drejtpërdrejta me qeverinë shqiptare, Parlamentin dhe drejtësinë.

Shqipëria gjendet aktualisht në një moment vendimtar: rruga e nisur në drejtim të BE-së duhet të çohet përpara me vendosmëri, duke zbatuar në këtë kontekst në mënyrë të vendosur reformat e radhës, veçanërisht në fushën e shtetit të së drejtës, dhe luftën e palëkundur kundër krimit të organizuar dhe korrupsionit.

Për këtë qëllim lipset vijimi i guximshëm i rrugës së reformave, si dhe përfshirja, por edhe bashkëveprimi konstruktiv i të gjithë aktorëve dhe institucioneve në kuadër të përgjegjësive të tyre kushtetuese", theksoi ministri gjerman./ CNA





Lajmet e fundit nga