E fundit!

15:16 Aktualitet

Komunikimi me Ramën dhe kërcënimi nga Bajrat/ Koçeku flet për largimin nga Grupi i PS-së

Deputetja Marjana Koçeku ka folur ditën e sotme lidhur me ...

Industria ushtarake/ Qeveria autorizon “KAYO” sh.a për prodhimin e armëve

5 Nëntor 2025, 18:20, Aktualitet CNA

Industria ushtarake/ Qeveria autorizon “KAYO” sh.a për

Këshilli i Ministrave ka miratuar vendimin që autorizon shoqërinë aksionare shtetërore “KAYO”, sh.a. të prodhojë dhe tregtojë armë, municione, teknologji, pajisje, veshje dhe mjete të përdorura për qëllime sigurie dhe mbrojtjeje.

Sipas vendimit, “KAYO”, sh.a., mund të realizojë aktivitetin e saj drejtpërdrejt ose nëpërmjet subjekteve të tjera të krijuara prej saj, duke përfshirë prodhimin dhe tregtimin e produkteve të përshtatura në territorin e Republikës së Shqipërisë, si dhe ofrimin e shërbimeve për strukturat e sigurisë, organet vartëse dhe shoqëritë shtetërore të krijuara nga këto struktura.

Shoqëria “KAYO” do të ketë detyrimin që të dërgojë çdo 6 muaj tek autoritetet kërkuese një listë të produkteve dhe shërbimeve që ofron. Të gjitha strukturat shtetërore që operojnë në fushën e mbrojtjes dhe sigurisë do të jenë të detyruara t’i drejtohen fillimisht kësaj shoqërie për furnizime, përpara se të ndërmarrin procedura të tjera prokurimi publik.

Në rast se “KAYO” nuk ka mundësi të përmbushë kërkesat brenda 30 ditëve, autoritetet përkatëse do të mund të vijojnë me procedurat e zakonshme të prokurimit publik ose të sigurisë. Kur shoqëria shprehet e gatshme për furnizim, parashikohet negociim i drejtpërdrejtë ndërmjet palëve.

Vendimi ngarkon “KAYO”, strukturat e mbrojtjes dhe sigurisë, si dhe organet e tyre vartëse për zbatimin e tij.

Ky akt hyn në fuqi menjëherë dhe do të botohet në Fletoren Zyrtare./ CNA