web counter
LEXO PA REKLAMA!

SHKARKO APP

App Store
Google Play

Inceneratori i Tiranës/ SPAK jep pretencën për Alqi Bllakon, kërkon 5 vite burg

28 Shkurt 2025, 13:28, Aktualitet CNA

Inceneratori i Tiranës/ SPAK jep pretencën për Alqi Bllakon,

Në përfundim SPAK-u kërkon shpalljen fajtor të Alqi Bllakos dhe të dënohet për korrupsion pasiv të funksionarve të lartë shtetërorë dhe të zgjedhurve vendorë.

SPAK kërkon për Alqi Bllakon dënimin me 5 vite burg dhe 5 vite jashtë funksioneve publike.

SPAK kishte përgatitur 52 faqe konkluzione përfundimtare për çështjen e Alqi Bllakos, i dyshuar për veprën penale "korrupsion pasiv". 

Vladimir Bezhani është punësuar fiktivisht dhe ka përfituar 7 milionë e 5 mijë lekë. Alqi Bllako dyshohet se ka përfituar 119 mijë euro për pajisje për gazimin e pijeve për kompanine e babit të tij, nga kompania që ka fituar koncesionin për ndërtimin e inceneratorit të Tiranës.

Bllako ka ndihmuar për të bërë gati studimin e fizibilitetit. Ka mbajtur lidhje me shtetasin Klodian Zoto. Vladimir Bazhani është punësuar si këshilltar i jashtëm i Lefter Kokës nga Alqi Bllako. Bezhani ka ndihmuar pronarët defakto të kompanisë për ndërtimin e inceneratorit që në fazën fillestare deri sa është bërë propozimi i pakërkuar.

Ky propozim është përgatitur nga Bezhani. Po ashtu ka pasur edhe një sërë dokumentacionesh të tjera në shërbim të kompanisë që fitoi koncesionin për ndërtimin e inceneratorit të Tiranës. Po ashtu kanë përgatitur edhe dokumentacionin për dhënien e bonusit në masën 8% kësaj kompanie me qëllim që kjo e fundit të fitonte koncesionin.

Në propozimin e pakërkuar nuk ishin parashikuar kostot nga shoqëria propozuese. Bllako i ka dërguar një përgjigje Këshillit të Ministrave duke theksuar se ky propozim nuk do t'i shkaktonte asnjë dëm buxhetit të shtetit.

Sipas SPAK provohet se Alqi Bllako ka marrë përfitim të parregullt në dy raste. Seanca do të shtyhet pasi prokurori duhet të lëvizte për shkak të një angazhimi. Seanca e radhës datë 7 mars ora 13:00./ CNA





Lajmet e fundit nga