web counter
LEXO PA REKLAMA!

SHKARKO APP

App Store
Google Play

E fundit!

x

Bllokimi i fondeve të USAID/ Tomorri: Këtu është bërë masakër

27 Shkurt 2025, 19:46, Aktualitet CNA

Bllokimi i fondeve të USAID/ Tomorri: Këtu është

Gazetari Klodian Tomorri i ftuar në “Task Force” në SYRI TV ka folur për pezullimin e fondeve të USAID-it. Tomorri tha se fondet kanë qenë gjithmonë një përdorim i pastër politik.

Përmendja e Shqipërisë si një nga shembujt kryesorë, shprehet Tomorri  tregon se këtu është bërë masakër.

“Që kur u njoftua se u pezulluan fondet e USAID, unë kam shkruar se këto fonde nuk do të jepen më, sepse kemi fakte të panumërta për të gjykuar se ku kanë shkuar ato fonde. Ka qenë një përdorim i pastër politik, sepse nuk është rastësi që shkojnë gjithmonë tek OJF me njerëz të afërt pranë së majtës. Për të gjykuar dhe punën e shpifjes që po pretendojnë tani, me atë që ndodhin në Kongresin Amerikan, them se Kongresi Amerikan nuk është mbledhja e grupit parlamentar të PS, që drejton Çuçi dhe mund të thuhen shpifje, apo çfarë tjetër, por është Kongresi Amerikan. Fakti që Shqipëria përmendet si një nga shembujt klasikë të asaj që kanë ndodhur me fondet që USAID i kanalizonte përmes OJF në emër të reformave të ndryshme, këtu tregon se është bërë masakër. Shqipëria është një vend i vogël dhe fakti se, është një nga shembujt kryesorë që merret aty, tregon se këtu është bërë masakër dhe tregon se, të gjitha financimet që vinin për të dërguar përpara reformat e fuqizimit të demokracisë, shtetit të së drejtës, konsolidimin e institucioneve në fakt kanë financuar agjenda që nuk kanë lidhje me këto gjëra, por kanë financuar programe edhe okulte, për të shtënë në duar pushtete, siç ndodhi me drejtësinë.

Nuk është e vërtetë që ‘Instituti i Menaxhimit Lindje Perëndim’ nuk ka marrë para nga USAID, ka marrë para për reformën në Shqipëri dhe e thotë edhe vetë në faqen zyrtarë. Projekti “Drejtësi për të gjithë” është financuar edhe nga USAID, ka dhe logon. E gjithë ndihma e qeverisë së SHBA apo taksapaguesve amerikanë, ishte kanalizuar në financimin e një krahu politik, në këtë rast PS-ja, për të konsoliduar dhe çimentuar pushtetin dhe mbytur demokracinë.

Shqipëria ka qenë laboratori klasik, ku ndikimi i Soros dhe rrjetit të tij, ka qenë i jashtëzakonshëm, ku praktikisht e gjithë shoqëria civile u asfiksua dhe komandohej nga një dorë për ti shërbyer qëllimit të pushtetit, apo madje do thoja dhe pamundësisë së rotacionit politik”, u shpreh gazetari Klodian Tomorri./ CNA





Lajmet e fundit nga