web counter
LEXO PA REKLAMA!

SHKARKO APP

App Store
Google Play

Harta e re gjyqësore/ Qytetarët e Vlorës në protestë: Me dosjet në Tiranë, duan të mos shkojmë në Strasburg

27 Qershor 2022, 19:00, Aktualitet CNA
Harta e re gjyqësore/ Qytetarët e Vlorës në protestë:
Stavri Çepanjaku

Harta e re gjyqësore, vazhdon të trazojë qetësinë e qytetarëve. Për ta ky lloj ndryshimi nuk zgjidh hallet e tyre, por shton burokracitë dhe lë pezull zgjidhjen e qindra çështjeve që flenë për vitë në zyrat e drejtësisë. Kundër kësaj harte kanë dalë sot edhe qytetarë të Vlorës, të cilët mos marrja e një zgjidhje i bën të enden për vitesh dyerve të gjykatave.

Sipas tyre shumica e proceseve kanë lidhje me pronat. Një prej përfaqësuesve të Shoqatës Pronësi me Drejtësi, Stavri Çepanjaku paralajmëron abuzime që mund të sjell vendimi i ri i KLGJ-së.

“Grumbullimi i dosjeve në Tiranë përbën rrezik, të na djegin dhe mos kemi mundësi të shkojmë në Strasburg se gjykata shqiptare janë në juridiksionin e Edi Ramës.”

Një tjetër qytetar tregohet edhe më i ashpër për miratimin e hartës e re gjyqësore.

“Maxhoranca të mos kalojë ligjin, po e kaluan kur të vijnë zgjedhjet po ju them se do ti zëmë me gurë.”

Këta qytetarë dolën në protestë në mbështetje të avokatëve, që çdo ditë kanë protestuar që qeveria të ndalojë mbylljen e gjykatave në disa qarqe të vendit. avokatët thotë se bojkoti i seancave gjyqësore dhe masave të sigurisë do të vazhdojë.

“Për 3 ditë të tjera do vazhdojmë bojkotin, pavarësisht se vendimit të dhomës qendrore të avokatisë në datë 29 ne do vazhdojmë bojkotin. Vetëm kështu do të prekim shtetin, duke mos vajtur tek masat e sigurimit.”/CNA.al





Lajmet e fundit nga