LEXO PA REKLAMA!

SHKARKO APP

“Rrogat mund të rriten deri në 800 mijë lekë”/ Ngjela zbulon bisedën me Ramën

27 Qershor 2022, 18:42, Aktualitet CNA
“Rrogat mund të rriten deri në 800 mijë lekë”/
Spartak Ngjela

Avokati, Spartak Ngjela ka folur lidhur me propozimin më të fundit të bërë nga qeveria për aminstinë fiskale për shuma deri në 2 milionë euro të cilat ishin të padeklaruara.

Avokati tha se ishte një lëvizje e mirë për të bërë që paratë të qarkullonin në treg.

Më tej, ai zbuloi se një lëvizje të ngjashme ia kishte propozuar kryeministrit Edi Rama kohë më parë në mënyrë që të qarkullonte paraja në treg dhe rrogat të rriteshin deri në 800 mijë lekë të vjetra.

“Pyetja nuk bëhet në interes të kujt është kjo politikë, por nëse fiton apo jo tregu. Ky është shtet borgjez, jo komunist dhe këtu amnistria fiskale është normë e tregut jo normë e politikës. Madje politika është vonuar. Merrni dhe shikoni sa është evazioni fiskal në Shqipëri, është 60%. Çfarë duhet të bëjnë? T’i mbajnë nëpër depo këta paratë? Shumë mirë e kanë bërë. Bën amnisti fiksale me 10% si në Amerikë se edhe atje kështu është ligji dhe kështu i vendosin në bankë. Unë jam i pari që i kam thënë Ramës që duhet të pompojë paranë në treg dhe më pas të rriten rrogat deri në 700-800 mijë lekë të vjetra."

Pretendime për pastrimin e parave të pista

"Ato janë çështje të krimit, do i zgjidhë gjyqësori, jo ekzekutivi. Pse me hamendje flitet për këtë? Mos dëgjoni komunistët. Unë nuk them se Shqipëria do jetë në një kapitalizëm të nivelit të lartë. Por siç ju thashë, evazioni fiskal në vendin tonë është 60%. Këto para që kanë ardhur nga evazioni fiskal nuk kanë ardhur të gjitha nga krimi. Kur sistemi fiskal është i dobët, hyn në lojë kjo skemë, për heqjen e evazionit fiskal. Por kjo nuk është amnisti, sepse duhet të paguajnë 10% të shumës si taksë”– u shpreh Ngjela./E.T-CNA.al

Lajmet e fundit nga