web counter
LEXO PA REKLAMA!

SHKARKO APP

App Store
Google Play

Gjashtë idetë më të mira inovative nga Ballkani Perëndimor/ Sot zgjidhen fituesit

27 Qershor 2022, 11:20, Aktualitet CNA

Gjashtë idetë më të mira inovative nga Ballkani

Fituesit e konkursit të parë “Butterfly Innovation Award” të organizuar nga Këshilli i Bashkëpunimit Rajonal (RCC) i nisur në prill të këtij viti do të prezantohen sot më 27 qershor 2022 në Tiranë, Shqipëri. Ceremonia e ndarjes së çmimeve është bashkorganizuar nga RCC dhe Komisioni Europian, i cili është mikpritësi i këtij eventi.

Edicioni i parë i këtij konkursi tërhoqi mbi 150 aplikantë në gjashtë tema: Industria, Green, STEM, Rinia dhe Women Inovation. Ekipet fituese do të kenë një mundësi për mbështetje mentorimi, promovim të zgjidhjeve të tyre tek investitorët potencialë dhe një çmim financiar në vlerë prej 5,000 eurosh secili.

Ceremonia e çmimit “Butterfly Innovation Award” do të bashkorganizohet nga Majlinda Bregu, Sekretare e Përgjithshme e RCC, Mariya Gabriel, Komisionere Europiane për Inovacionin, Kërkimin, Kulturën, Arsimin dhe Rininë dhe Erion Veliaj, kryebashkiak i Tiranës si i ftuar special i ceremonisë.

Ftojmë përfaqësuesit e mediave në ceremoninë e ndarjes së çmimeve të hënën, më 27 qershor 2022, duke filluar nga ora 19:00 në katin e 23-të të Maritim-Hotel Plaza. Për qëllime organizative, ju lutemi njoftoni mbërritjen tuaj me email në "[email protected]" deri në orën 15:00 të së hënës, 27 qershor 2022, dhe të arrini të paktën 20 minuta para fillimit të ngjarjes. Ceremonia do të jetë në gjuhën angleze, nuk është parashikuar asnjë përkthim.

Asnjë deklaratë shtesë nga Komisioneri i BE-së nuk është parashikuar. Nëse keni nevojë për një deklaratë shtesë nga Sekretarja e Përgjithshme e RCC, Majlinda Bregu në shqip, ju lutemi na njoftoni paraprakisht në +387 62 345 271 ("WhatsApp" ose "Viber") ose personalisht përpara fillimit të eventit./CNA.al





Lajmet e fundit nga