LEXO PA REKLAMA!

SHKARKO APP

Shkrirja e gjykatave/ “Zgjohet” Olsian Çela

27 Qershor 2022, 14:20, Aktualitet CNA
Shkrirja e gjykatave/ “Zgjohet” Olsian Çela
Olsian Çela

Harta e re gjyqësore, e propozuar nga Këshilli i Lartë Gjyqësor, ka marrë dakordësinë e prokurorit të Përgjithshëm Olsian Çela.

Kjo vjen në një kohë ku qindra avokatë kanë bojkotuar seancat gjyqësore kundër hartës së re gjyqësore.

Në letrën që i ka dërguar Ministrisë së Drejtësisë, Çela thotë se e vlerësojnë frymën e këtij bashkërendimi dhe koordinimi ndërinstitucional në përballje me nevojat për të lehtësuar rritjen e ngarkesës dhe mbështetur veprimtarinë e prokurorëve me numër të reduktuar.

"Për miratimin e raportit vlerësues dhe propozimit të grupit ndërinstitucional të punës mbi riorganizimin e rretheve gjyqësore dhe kompetencave tokësore të gjykatave.

Në këtë vështrim, sipas Kushtetutës dhe ligjit përfshihet dhe sistemi i prokurorisë me ndikim në riorganizimin e prokurorive pranë gjykatave të shkallës së parë dhe prokurorisë pranë gjykatës së apelit me juridiksion të përgjithshëm sipas kompetencave tokësore të gjykatave. Riorganizim të cilin e vlerësojmë si nevojë emergjente për përmirësimin e funksionalitetin, eficiencës dhe efektivitetit në sistemin e prokurorisë.

Në kuadrin e këtij procesi të pritshëm riorganizimi dhe në prokurori, vlerësojmë frymën e këtij bashkërendimi dhe koordinimi ndërinstitucional në përballje me nevojat për të lehtësuar rritjen e ngarkesës dhe mbështetur veprimtarinë e prokurorëve me numër të reduktuar, për rritjen e kapaciteteve akomoduese me ambiente pune për prokurorët, oficerët e policisë gjyqësore të seksioneve, administratën dhe shërbimet mbështetëse në prokuroritë me juridiksion të përgjithshëm, përdorimin me efektivitet të fondeve buxhetore për përmirësimin e infrastrukturës në prokurori, forcimin e kapaciteteve institucionale e profesionale dhe për sigurimin e aksesit të shtetasve në prokurori", thuhet në letrën e Çelës./CNA.al

Shkrirja e gjykatave/ “Zgjohet” Olsian Çela

Lajmet e fundit nga