LEXO PA REKLAMA!

SHKARKO APP

Provimet e maturantëve/ Paralajmërimi i fortë i Kikisë: Po i përzëmë me zor

27 Qershor 2022, 17:53, Aktualitet CNA
Provimet e maturantëve/ Paralajmërimi i fortë i Kikisë: Po i
Gazetari, Mentor Kikia

Gazetari Mentor Kikia ka komentuar deklaratat e fundit që janë bërë në lidhje me provimet e maturantëve këtë vit.

Përmes një statusi në rrjetet sociale,Kikia thekson se duhet ngritur një grup ekspertësh të jashtëm për të bërë vlerësimin e tezës.

Sipas gazetarit nuk mund të bëhen eksperimente me të rinjtë, që edhe pa këto gjëra po synojnë të largohen nga vendi.

“Kam lexuar reagime të disa kolegëve mbi provimin e maturës këtë vit. I vlerësoj ata ndaj dhe nuk i neglizhoj.

Kishin artikuluar vërejtje për tezën, me fakte. Është e njëjta histori çdo vit.

A mundet që një komision ekspertësh të jashtëm, jashtë ndikimit të ministrisë së arsmimit, të bëjë vlerësimin e tezës, në matematikë psh, dhe nëse rezulton se komisioni hartues ka qenë i paaftë, të ndërhyhet?

Pashë një reagim që thoshte se teza nuk tregon formimin e maturantit, por synon ta kapë “mat” nxënësin me kleçka.

Nuk mund të bëhen eksperimente me të rinjtë që edhe pa këto andralla i kanë sytë nga kufiri.E kuptoni se po i përzëmë me zor edhe këta që kanë mbetur?”, shkruan Mentor Kikia./ A.E-CNA.al

Lajmet e fundit nga