web counter
LEXO PA REKLAMA!

SHKARKO APP

App Store
Google Play

E fundit!

x

Shtohen rastet e dhunës në familje në juglindje / Burrat rrahin gratë e prindërit, 3 në pranga

28 Gusht 2023, 13:40, Aktualitet CNA

Shtohen rastet e dhunës në familje në juglindje / Burrat rrahin

Në juglindje të vendit janë shtuar rastet e dhunës në familje.

Vetëm ditën e sotme policia e Korçës ka raportuar katër raste.

Tri prej tyre janë raste ku burrat kanë ushtruar dhunë fizike ndaj bashkëshorteve të tyre.

Përkatësisht kanë ushtruar dhunë ndaj bashkëshorteve këta persona: 

1. Një 44-vjeçar me inicialet K. Dh. banues në fshatin Barmash, ka ushtruar dhunë fizike dhe psikologjike ndaj bashkëshortes së tij, e cila është e pajisur me urdhër mbrojtjeje. Ai u vu në prangat e policisë.

2.Një 50-vjeçar me inicialet A. L., banues në fshatin Vërdovë, Pogradec, u arrestua pasi dyshohet se ka ushtruar dhunë fizike dhe psikologjike ndaj bashkëshortes së tij, e cila u pajis me urdhër mbrojtjeje.

3.Filloi procedimi penal në gjendje të lirë për 43-vjeçarin me inicialet, E. Ç., banues në fshatin Burimas, Maliq, pasi dyshohet se ka ushtruar dhunë psikologjike ndaj bashkëshortes së tij, e cila po ashtu u pajis me urdhër mbrojtjeje.

Nuk kanë munguar as rastet kur është ushtruar dhunë ndaj prindërve. 

Përkatësisht një rast i tillë është si më poshtë: 

Uarrestua në flagrancë 34-vjeçari me inicialet B. F., banues në fshatin Plasë, Maliq, pasi në ambientin e një lokali në fshat, dyshohet se ka ushtruar dhunë fizike ndaj babait të tij, i cili u pajis me urdhër mbrojtjeje.

Më datë 25 gusht:

Shtetasi E. Ll., 31 vjeç, banues në fshatin Mborje, Korçë, dyshohet se ka ushtruar dhunë psikologjike dhe ka fyer, nëpërmjet celularit, ish-partneren e tij.

Filloi procedimi në gjendje të lirë për shtetasin A. F., 64 vjeç dhe për bashkëshorten e tij, shtetasen V. F., 57 vjeçe, të dy banues në fshatin Kakaç, Maliq, pasi dyshohet se kanë kanosur me fjalë, bashkëshorten e vëllait të 64-vjeçarit.

U arrestua në flagrancë shtetasin Z. H., 43 vjeç, banues në fshatin Buçimas, Pogradec, pasi dyshohet se ka ushtruar dhunë fizike ndaj prindërve të tij.

Më datë 23 gusht:

Filloi procedimi penal në gjendje të lirë për J. J., 34 vjeç, banues në Ersekë, pasi dyshohet se ka ushtruar dhunë psikologjike ndaj babait të tij, i cili u pajis me urdhër-mbrojtjeje.

Filloi procedimi penal në gjendje të lirë për shtetasen K. T., 40 vjeçe, banuese në Korçë, pasi ka bërë kallëzim ish-bashkëshorti i saj, i cili ka deklaruar se 40-vjeçarja ka ushtruar dhunë fizike dhe psikologjike ndaj djalit të tyre 8-vjeçar.

Më datë 22 gusht:

Filloi procedimi penal në gjendje të lirë për shtetasit:

M. K., 32 vjeç, banues në Korçë, pasi dyshohet se ka përndjekur në mënyrë të vazhdueshme një 31-vjeçare;

E. Z., 55 vjeç, banues në Korçë, pasi dyshohet se ka ushtruar dhunë psikologjike ndaj bashkëshortes së tij.

Edhe më herët është raportuar një numër i rasteve të dhunës në familje./ CNA





Lajmet e fundit nga