web counter
LEXO PA REKLAMA!

SHKARKO APP

App Store
Google Play

Gjykata e Strasburgut "rrëzon" ish deputetin socialist/ Hedh poshtë pretendimet e tij

12 Qershor 2024, 17:23, Aktualitet CNA
Gjykata e Strasburgut "rrëzon" ish deputetin socialist/ Hedh
Koço Kokëdhima, ish-deputeti socialist ne Kuvend

Gjykata Evropiane e të Drejtave të Njeriut ka shqyrtuar këtë të martë ankesën e ish-deputetit socialist, Koço Kokëdhima, i cili prenetondon se vendimin për përjashtimin e tij nga parlamenti në vitin 2016 është i padrejtë.

Sipas Gjykatës përjashtimi i tij për konflikt interesi në lidhje me shitjet e një kompanie interneti nën pronësinë e tij për institucionet shtetërore ishte një vendim i drejtë.

Gjykata e Strasburgut ka hedhur poshtë pretendimet e ish-deputetit Kokëdhima për cënim të të drejtave të tij zgjedhore apo cënim të reputacionit duke konfirmuar vlefshmërinë e shkarkimit nga detyra të deputetëve të cilët përfitojnë apo bëjnë biznes me asetet publike.

Gjykata e Strasburgut konfirmoi qëndrimin e Gjykatës Kushtetuese të Shqipërisë duke rrëzuar pretendimin se deputeti nuk ishte në gjendje të parashikonte konfliktin e interesit në mungesë të një shpjegimi nga autoritetet ndërsa pretendimi për cënim të jetës private u hodh poshtë me argumentin se raportimi mediatik ishte rrjedhojë e veprimeve të atij vetë.

“Gjykata Kushtetuese e Shqipërisë vuri në dukje faktin që z. Kokëdhima e shiti kompaninë e tij vetëm më shumë se gjashtë muaj pas zgjedhjes. Gjykata e Strasburgut nuk e gjeti këtë përqasje arbitrare apo dukshëm të paarsyeshme,” thuhet në një njoftim për shtyp të gjykatës.

“Për më shumë, z. Kokëdhima duhej të dinte mbi ligjet e aplikueshme dhe për rrjedhojë duhej ta kishte parashikuar se vijimi i përfitimit nga të ardhurat e krijuara nga kontratat me autoritetet publike në rolin e tij të ri si deputet mund të përbënte konflikt interesi.”/ CNA





Lajmet e fundit nga