Gazetari mesazh Dumanit: Bëji zap shushunjat dhe llumin e politikës

17 Prill 2024, 17:23, Aktualitet CNA

Gazetari mesazh Dumanit: Bëji zap shushunjat dhe llumin e politikës

Muharrem Meko

Gazetari Muharrem Meko ish-drejtor i RTSH-së së Korçës dhe ish-kreu i PS-së të këtij rrethi i ka dhënë një mesazh shumë të fortë kreut të SPAK, Altin Dumani.

Meko e inkurajon të vazhdojë përpara me luftën për tu thënë “STOP” zullumeve që prej më shumë se 30 vitesh kanë nxirë këtë vend.

Në mesazhin e tij, gazetari thotë se Dumani do të ketë mbështetjen e të gjithë shqiptarëve në luftën kundër shushunjave që kanë shfrytëzuar pushtetin për ta zhytur vendin në mjerim, skamje dhe dhimbje pafund.

“O z.Dumani!

Lëri të gjitha "dosjet" e zakonshme që ke nëpër duar dhe merru vetëm me ato të këtyre shushunjave që kanë shfrytëzuar; shtet, pushtet, kolltukë e mercenarë për t'u bërë miliarderë vetë e këtë vend, për ta zhytur në mjerim, skamje e dhimbje pafund!

Besoj e ndjen se si e gjithë vëmendja e arsyeshme e këtij vendi, nga Jugu në Veri e nga Lindja në Perëndim, është përqëndruar drejt teje...e shokëve të tu, të betejës epike!

Karakteri yt si njeri, por edhe aftesitë e tua profesionale, tashmë gati-gati po të identifikojnë si Falkonen shqiptar; që do të triumfojë pa asnjë diskutim ndaj mafies, me e papushtet, të bërë një në kauzën morale të plaçkitjes e numrit pafund të llogarive me para të pista; shpërndarë e fshehur nëpër vrimat e miut, gjithandej!

Ti duhet ta dish mirë karrierën e Falkones; me kërcënime, atentate, rrëmbime etj etj, prej mafias italiane, por që në gjyqin më të madh të zhvilluar ndonjëherë në historinë e Italisë, triumfoj Falkone...me dënimin e 342 mafiozëve!

Ndaj mos u tut...ti ke shancin të triumfosh e të çosh drejt dyerve të hekurta edhe më shumë se sa kaq...janë tridhjet vjet zullume!

Do të triumfosh sepse ke gjithë shqiptarët e ndershëm me vete...por ke me vete edhe vetë fuqinë më të madhe të rruzullit tokësor; SHBA-në!

Veçse ...edhe nëse me të vërtetë ke ndonjë preferencë, nga serra e këtyre shushunjave, (se helbete njerëz jemi) braktise një orë e më parë...se të gjithë si ai i ballkonit janë...e në mos më keq!

Të siguroj 1000 % se do të kesh mbështetjen e mirëkuptimin e të gjithë shqiptarëve që e duan Shqipërinë...e që luten që fëmijët e tyre, t’iu kthehen në atdhe!

Prandaj, mos u tut ...sepse edhe ti do të mbetesh në historinë tonë të re, si njeriu që i tha; Stop e bëri zap llumin e shushunjat që prej 30 vjetësh i plasën shpirtin, këtij vendi!”, shkruan Meko./ CNA