web counter
LEXO PA REKLAMA!

SHKARKO APP

App Store
Google Play

E fundit!

x

Fletëthirrja për çështjen “21 janari”/ SPAK përgënjeshtron Berishën

14 Nëntor 2025, 13:43, Aktualitet CNA

Fletëthirrja për çështjen “21 janari”/ SPAK

Prokuroria e Posaçme ka përgënjeshtruar kryetarin e PD-së, Sali Berishën, lidhur me fletëthirrjen për çështjen “21 janari”.

SPAK bën me dije se fletëthirrja e parë, e dërguar më 3 nëntor në banesë, është kthyer mbrapsht në Prokurorinë e Posaçme me shënimin se “rojet janë autorizuar të mos marrin asnjë zarf”.

Pas kësaj, fletëthirrja është dërguar më datë 7 nëntor në banesë, selinë e PD-së dhe Kuvend. Prokuroria njofton se dy ditë më pas është refuzuar marrja e zarfit të dërguar në banesë.

Ndërkohë më 12 nëntor, SPAK thotë se Shërbimi i Burimeve Njerëzore dhe Trajtimit të Deputetëve në Kuvendin e Shqipërisë ka njoftuar se marrja në dorëzim e fletëthirrjes është refuzuar nga grupi parlamentar i Partisë Demokratike.

Reagimi i SPAK: 

Përshëndetje,

Në përgjigje të kërkesës suaj, ju informojmë si vijon:

Deri tani janë dërguar dy urdhër-thirrje përmes shërbimit të postës shqiptare, më datë 3.11.2025 në adresën e banesës (për t’u paraqitur në SPAK në datë 7.11.2025) dhe në datën 7.11.2025, në adresën e banesës, Partisë Demokratike dhe Kuvendit (për t’u paraqitur në datën 14.11.2025).

Urdhër-thirrja e parë, e dërguar në banesë më datë 3.11.2025, është kthyer mbrapsht në Prokurorinë e Posaçme, me shënimin:

“Rojet janë autorizuar të mos marrin asnjë zarf.”

Pas këtij konstatimi, Prokuroria e Posaçme ka vijuar me dërgimin e urdhër-thirrjes në tre destinacionet (Banesë, Partia Demokratike dhe Kuvend) më datë 07.11.2025.

Më datë 09.11.2025, është refuzuar marrja e zarfit të dërguar në banesë, ndërsa më 12.11.2025 Shërbimi i Burimeve Njerëzore dhe Trajtimit të Deputetëve në Kuvendin e Shqipërisë ka njoftuar se marrja në dorëzim e njoftimit është refuzuar nga stafi politik i grupit parlamentar të Partisë Demokratike.

Përmes shkresës  është sqaruar gjithashtu se njoftimi për urdhër-thirrjen është dërguar edhe në adresën zyrtare të emailit:

[email protected], më datë 10.11.2025.

Prokuroria e Posaçme do të vijojë zbatimin e parashikimeve ligjore për njoftimin dhe paraqitjen e personit të thirrur, sipas afateve dhe detyrimeve të parashikuara në legjislacionin në fuqi.

Pas SPAK, Berisha ka reaguar dhe ka mohuar sërish dërgimin e fletëthirrjes. Ai ka deklaruar se rojet nuk kanë marrë asnjë shkresë nga Prokuroria dhe ka mohuar të jetë njoftuar dhe nëpërmjet “email”-it.  /CNA





Lajmet e fundit nga