web counter
LEXO PA REKLAMA!

SHKARKO APP

App Store
Google Play

E fundit!

x

Çështja Beleri/ Xhaçka i kundërpërgjigjet homologut grek: Me keqardhje por, nuk duhet të nisesh nga…

31 Gusht 2023, 20:56, Aktualitet CNA

Çështja Beleri/ Xhaçka i kundërpërgjigjet homologut

Ministrja për Evropën dhe Punët e Jashtme, Olta Xhaçka ka reaguar pas deklaratës së bërë nga Ministri i Jashtëm i Greqisë, Giorgos Gerapetritis, për gazetarët grekë ku tha se betimi dhe marrja e detyrës nga Beleri është thjesht një çështje vullneti politik, nga ana e qeverisë shqiptare. 

Xhaçka ka thën se çështja e betimit të kryebashkiakut të ndaluar nga drejtësia është një çështje e drejtësisë. Jo e qeverisë shqiptare, as e qeverisë greke.

“Homologut tim grek për të cilin kam shumë respekt, i kam thënë se për këtë çështje nuk duhet të niset nga ligji grek por nga ligji shqiptar”, thotë ajo.

“Nuk ka mundësi që miqtë & fqinjët tanë grek të jenë të vetmit që kanë të drejtë,kur këmbëngulin në një kërkesë të rrëzuar nga gjykatat shqiptare dhe të qartë për miqtë e partnerët e tjerë, të cilët thonë se kjo është një çështje e drejtësisë shqiptare! 

Organet e reja të drejtësisë shqiptare kanë folur qartë me vendimet e tyre dhe qeveria shqiptare ka folur qartë po ashtu: Çështja e betimit të kryebashkiakut të ndaluar nga drejtësia është një çështje e drejtësisë. Jo e qeverisë shqiptare. As e qeverisë greke.

Homologut tim grek për të cilin kam shumë respekt, i kam thënë se për këtë çështje nuk duhet të niset nga ligji grek por nga ligji shqiptar.

Dhe sipas ligjit shqiptar, s’ka vullnet politik që e nxjerr zotin Beleri nga burgu apo që fut noter në burg që ai të bëj betimin si kryebashkiak.

Me keqardhje po kjo është kështu dhe vetëm kështu.”

Ministri i Jashtëm i Greqisë, Giorgos Gerapetritis tha më herët në intervistë për mediat greke se kjo çështje, veçanërisht betimi dhe marrja e detyrës nga Beleri, nuk ka të bëjë me funksionin gjyqësor në Shqipëri, por është thjesht një çështje vullneti politik, nga ana e qeverisë shqiptare. Dhe për këtë arsye, Greqia do të vazhdojë të shterojë çdo diferencë, në mënyrë që të bëhet e mundur betimi i kryetarit të bashkisë.

“Çështja e Fredis Belerisit, ndalimi i përkohshëm i padrejtë, që pengon betimin e tij si kryetar i Bashkisë Chimarra, tashmë është ngritur nga Ministria e Jashtme, nga unë, në të gjitha forumet e mundshme. Të gjithë ministrat e vendeve anëtare të BE-së, Përfaqësuesi i Lartë për Politikën e Jashtme të BE-së dhe Sekretari i Përgjithshëm i NATO-s, z. Stoltenberg, janë informuar personalisht.  Për çështjen e zotit Beleris, dua të theksoj se, pavarësisht nga çështja e krizës gjyqësore, pavarësia e drejtësisë shqiptare, këtu vjen çështja e paraburgimit që e pengon atë të marrë detyrën. Kjo është një shkelje e qartë e prezumimit të pafajësisë, e shtetit ligjor, e të drejtave qytetare dhe e qytetarëve himarrarë që e zgjodhën atë. Dhe dua të theksoj se kjo çështje, veçanërisht betimi dhe marrja e detyrës nga Beleri, nuk ka të bëjë me funksionin gjyqësor në Shqipëri, por është thjesht një çështje vullneti politik, nga ana e qeverisë shqiptare. Dhe për këtë arsye, Greqia do të vazhdojë të shterojë çdo diferencë, në mënyrë që të bëhet e mundur betimi i kryetarit të bashkisë.”, ka thënë ministri grek./ CNA





Lajmet e fundit nga