web counter
LEXO PA REKLAMA!

SHKARKO APP

App Store
Google Play

“Çështja Beleri”/ Gjermania me qëndrim të qartë: Athina të mos pengojë anëtarësimin e Shqipërisë në BE

27 Nëntor 2023, 20:49, Aktualitet CNA
“Çështja Beleri”/ Gjermania me qëndrim të
Fredi Beleri

Gjermania ka mbajtur një qëndrim të qartë dhe madje mund të thuhet se dhe i ka dërguar një mesazh Greqisë duke thënë se çështja Beleri nuk do të bëhet pengesë në rrugëtimin e Shqipërisë drejt Bashkimit Evropian.

Lidhur me këtë qëndrim gazeta greke “Ta Nea” ka publikuar dhe një qëndrim të Ministrisë së Jashtme të Gjermanisë.

Në reagimin e bërë publik thuhet se përcaktues për procesin e anëtarësimit të Shqipërisë në BE është ekskluzivisht plotësimi i kritereve të anëtarësimit.

“Për rastin e kandidatit për kryebashkiak në Himarë, Fredi Beleri , aktualisht po kryhen hetime nga autoritetet shqiptare. Duhet të presim procesin aktual në Shqipëri. Përcaktues për procesin e anëtarësimit të Shqipërisë në BE është ekskluzivisht plotësimi i kritereve të anëtarësimit, përfshirë edhe “acquis”-në e BE-së”. Është e rëndësishme që kjo të jetë gjithashtu pikë referimi për të gjitha shtetet anëtare në vendimet e tyre për hapat individualë në procesin e anëtarësimit. “Bilateralizimi” ne procesin e anëtarësimit nuk është i pranueshëm. Qëllimi kryesor i qeverisë gjermane është të parandalojë ndërprerjen e procesit të anëtarësimit të Ballkanit Perëndimor, për shkak të konflikteve me një vend tashmë anëtar të BE-së.”, ka komunikuar Ministria e Jashtme e Gjermanisë, shkruan gazeta greke “TA NEA”  / CAN





Lajmet e fundit nga