web counter
LEXO PA REKLAMA!

SHKARKO APP

App Store
Google Play

Ndarja nga jeta e Zef Dedës, Juli "zbulon" porosinë e fundit të të atit

27 Nëntor 2023, 14:49, Aktualitet CNA
Ndarja nga jeta e Zef Dedës, Juli "zbulon" porosinë e fundit
Zef dhe Julian Deda

Julian Deda ka ndarë me publikun porosinë e fundit të të atit, Zef Deda, para ndarjes nga jeta.

Në një postim në "Instagram", Jul Deda shkruan se porosia e tij e fundit ishte "Ju du t'qeshun".

Ndarja nga jeta e Zef Dedës, Juli "zbulon" porosinë e fundit
Postimi i Jul Dedës

"Porosia e tij e fundit "Ju du t'qeshun" do shkojë në vend. Familja jonë ju falenderon përzemërsisht secilin nga ju, për mbështetjen dhe respektin e treguar. Ju duam" - shkruan Deda teksa postimin e shoqëron me një fotografi të tijën bashkë me nënën dhe vëllain Mario.

Aktoi i njohur, Zef Deda, u nda nga jeta pak ditë më parë, ndërsa la pas një sërë batutash e buzëqeshjesh për gjithë publikun shqiptar.

Zef Deda njihej nga të gjithë edhe si Charlie Chaplini i Shqipërisë.

Aktori lindi në Shkodër më 27 korrik 1950. U shkollua në qytetin e tij të lindjes, dhe ndoqi politeknikumin e ndërtimit në Tiranë.

Filloi shkollën e lartë për Gjuhë – letërsi, por nuk e mbaroi dot për arsye shëndetësore. Ai punoi për më shumë se 40 vite në teatrin "Migjeni" të Shkodrës.

Talenti i tij spikat që në moshë të vogël. Me një shkathtësi dhe me një plastikë të shkëlqyer psiko-fizike ai arriti të realizojë qindra figura artistike.

Prandaj ishte mjaft i dashur për publikun shqiptar, sidomos atë shkodran. Pas një shkëputje prej 6 vitesh, për shkak të emigrimit jashtë atdheut, ai kthehet në vitin 1996 në Shqipëri për të ushtruar profesionin e aktorit, të cilin e vazhdoi me sukses.

Ai u përcoll në banesën e fundit më 25 nëntor, pra vetëm dy ditë më parë./ CNA

 





Lajmet e fundit nga