web counter
LEXO PA REKLAMA!

SHKARKO APP

App Store
Google Play

E fundit!

x

Njihej si “Charlie Chaplini” i Shqipërisë/ Sot, homazhet për aktorin Zef Deda

25 Nëntor 2023, 10:15, Aktualitet CNA
Njihej si “Charlie Chaplini” i Shqipërisë/ Sot, homazhet
Zef Deda

Ditën e sotme kanë nisur homazhet për mjeshtrin e madh të humorit, Zef Deda, i cili ndërroi jetë një ditë më parë pas një sëmundje të rëndë.

Në homazhe janë të pranishëm miq, familjarë, kolegë e të afërm të aktorit të madh i cili njihej ndryshe si “Charlie Chaplin” i Shqipërisë.

Homazhet po zhvillohen në hollin e Teatrit Migjeni, aty ku punoi për 40 vite. 

Zef Deda lindi në Shkodër më 27 korrik 1950. U shkollua në qytetin e tij të lindjes, dhe ndoqi politeknikumin e ndërtimit në Tiranë. Filloi shkollën e lartë për gjuhë letërsi, por nuk e mbaroi dot për arsye shëndetësore. Ka punuar për më shumë se 40-vite në Teatrin Migjeni të Shkodrës.

Talenti i tij spikat që në moshë të vogël. Me një shkathtësi dhe me një plastikë të shkëlqyer psiko-fizike ai arrin të realizojë qindra figura artistike. Prandaj ishte mjaft i dashur për publikun shqiptar, sidomos atë Shkodran. Pas një shkëputje prej 6 vitesh, për shkak te emigrimit jashtë atdheut, ai kthehet në vitin 1996 në Shqipëri për të ushtruar profesionin e aktorit, të cilin e vazhdoi me sukses.

Zef Deda ka interprertuar shumë komedi si: "Vëllai nga babai", "Kollovari", "Big Brother Shkodra 1", "Big Brother Shkodra 2", etj.

Rolet kryesore: Kunati i shokut Xhemal, Kola i dritave, Charlie Chaplin (imitim) , Kushëriri nga Amerika, Altini (altufi) Dhjetra emisjone për fëmijë, Në filmin "Gjurmë në kaltërsi" 1981, etj./ CNA





Lajmet e fundit nga