web counter
LEXO PA REKLAMA!

SHKARKO APP

App Store
Google Play

“Çerdhet e krimit janë shqetësuar”/ Bushku flet për kërcënimet ndaj prokurorëve e gjyqtarëve

7 Tetor 2023, 19:47, Aktualitet CNA
“Çerdhet e krimit janë shqetësuar”/ Bushku flet
Kryetarja e Komisioneve të Ligjeve, Klotilda Bushka

Kryetarja e Komisioneve të Ligjeve, Klotilda Bushka tha se kërcënimet e bëra ndaj prokurorëve dhe gjyqtarëve janë shumë shqetësuese.

Ajo thotë se institucionet duhet të veprojnë në mënyrë që këto fenomene të parandalohen dhe të luftohen.

“Kërcënimet ndaj prokurorëve dhe gjyqtarëve është shumë shqetësuese. Do duhet që ne si Komision Ligjesh të veprojmë në mënyrë që këto fenomene të parandalohen dhe të luftohen. Këto janë kërcënime serioze që duhen marrë në konsiderate, pasi na tregon se çerdhet e krimit janë shqetësuar dhe drejtësia po vepron. Kjo po ashtu tregon se janë rritur dhe rastet e zbuluara. Janë tregues që na bëjnë të kuptojmë se drejtësia ekziston. Ne kemi një raport institucional me sistemin e drejtësisë. Sa herë kryejmë takime institucionale, kemi dhe takime zyrtare para përgatitjeve të buxheteve. Kuvendi dhe Komisioni i Ligjeve ka qenë në mbështetje të prokurorëve dhe gjyqtarëve për sigurinë e tyre. Ne si komision do duhet të japim mbështetje për zbatimin e ligjit. Kemi vënë rekomandime për zbatimin e mbrojtjes dhe sigurisë së gjyqtarëve dhe prokurorëve”, tha Bushka në një intervistë./ CNA





Lajmet e fundit nga