LEXO PA REKLAMA!

SHKARKO APP

Kërcënimet ndaj prokuroreve/ Dumani, takim “kokë më kokë” me Ballën

2 Tetor 2023, 11:34, Aktualitet CNA
Kërcënimet ndaj prokuroreve/ Dumani, takim “kokë më
Altin Dumani, kreu i SPAK

Pas rrezikut që iu kanoset prokuroreve nga grupet kriminale, kreu i SPAK Altin Dumani dhe ministri i Brendshëm Taulant Balla kanë zhvilluar një takim për riorganizimin e mbrojtjes së prokuroreve.

Takimi vjen pasi dy prokuroret Merita Selimi dhe Doloreza Musabelliu dyshohet se janë “piketuar” për tu ekzekutuar nga grupi i Laert Haxhisë.

Kjo është një dëshmi e të penduarit të Drejtësisë, Artan Tafani.

Mësohet se Merita Selimi do të shoqërohet nga efektivë të Policisë së Shtetit kudo që të jetë në lëvizje.

Emri i ish-zyrares doli gjatë dëshmive të bashkëpunëtorit të drejtësisë Artan Tafani, i cili tregoi 6 vrasje të kryera nga grupi i Laert Haxhiut.

Po ashtu është marrë në mbrojtje edhe prokurorja Doloreza Musabelliu si dhe familjarët e saj.

Prokurorja e SPAK-ut, Doloreza Musabelliu, është prokurorja e cila ka në dorë dosjen e Laert Haxhiut për atë që njihet si “masakra e Lushnjës”.

Në shtator të vitit 2017 u vranë Zamir Latifi dhe Jurgen Hoxha dhe për këtë krim janë dënuar me burgim të përjetshëm Orges Bilbili dhe Anterio Kaloshi.

Laert Haxhia ndodhet në Greqi, ku është arrestuar nga autoritetet dhe pritet që së shpejti të ekstradohet drejt Shqipërisë./ CNA

Lajmet e fundit nga