LEXO PA REKLAMA!

SHKARKO APP

“Rezultatet dalin në 2024”/ Mohon rektori Hoxha: S’është e vërtetë që UT ka rënë 200 vende

2 Tetor 2023, 11:24, Aktualitet CNA
“Rezultatet dalin në 2024”/ Mohon rektori Hoxha:
Artan Hoxha

Rektori i Universitetit të Tiranës, Artan Hoxha, ka mohuar sot zërat për rënien me 200 vende në klasifikimin e bërë nga dy renditësit më të rëndësishëm të cilësisë së universiteteve për Evropën Jugore.

Për mediat ai është shprehur nuk është e vërtetë që Universiteti i Tiranës ka rënë 200 vende. 

Artan Hoxha, në një ceremoni për nisjen e vitit akademik,  tha se kemi të bëjmë me një rankim në përpunim dhe se rezultatet përfundimtare të të cilit do të dalin në 2024.

 

“Nuk ka rritje të tarifave të UT, ka ulje madje të disa tarifave. Nuk është e vërtetë që Universiteti i Tiranës ka rënë 200 vende. Ky rankim bëhet për herë të parë, që futen universitetet e Shqipërisë. Ky është një nga rankimet që është në përpunim. Rezultatet i nxjerr në 2024. Ka dhe disa rankime të tjera botërore që ne i njohim zyrtarisht. UT ka një diferencë të lartë me institucionet e tjera brenda vendit. Në rang botëror dhe evropian UT nuk është një universitet për ta turpëruar Shqipërinë, por që e nderon Shqipërinë. Unë jam personi më kritik brenda UT. Ne jemi përpara shumë sfidash. Universitetet në Shqipëri nuk janë gjëja që lulëzon më shumë nga të tjerët. Kanë sfida, do përballen me një hapësirë shumë më të madhe se hapësira e brendshme. Ne po përgatitemi dhe dita-ditës mundohemi të përmirësojmë aktivitetet tona. Është e pavërtetë që UT bie”, tha Hoxha.

 

 

Lajmet e fundit nga