E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

“Eksodi i krahut të punës dhe trurit”, Xhaferri: BERZH lëshon sinjalin SOS për ekonominë shqiptare

25 Nëntor 2025, 13:28, Aktualitet CNA

“Eksodi i krahut të punës dhe trurit”, Xhaferri: BERZH

Deputeti i Partisë Demokratike, Besart Xhaferri, është shprehur përmes një reagimi në rrjetet sociale se në 12 vite Shqipëria ka humbur 1.1 miliëon qytetarë. Xhaferri shprehet se përveç krahut të punës, nga vendi janë larguar edhe arsimtarë, mjekë dhe inxhinierë.

Ai thotë më tej se Shqipëria ka humbur edhe rininë, ku shton se sipas regjistrimit të fundit të popullsisë në Shqipëri, mosha mesatare është rritur në 42.5 vjet nga 35.3. Sipas deputetit, të vetmit që janë kthyer në vend janë trafikantët e drogës për të pastruar paratë e pista.

Reagimi i plotë:

Në vetëm 12 vite, Shqipëria humbi 1.1 milion qytetarë, ku veç krahut të punës, eksodi mori dhe trurin, pasi ikën arsimtarë, mjekë, inxhinierë dhe të vetmit që u rikthyen 5 vitet e fundit janë trafikantët e drogës që Rama u dha akses për të pastruar paratë e pista.

Shqipëria ka humbur asetin më të madh të saj, sa ishte në regjistrimin e bërë në vitin 2011.

Shqipëria, sipas të dhënave të Bankës Europiane për Rindërtim dhe Zhvillim, ka hyrë zyrtarisht në epokën e dividentit demografik negativ.

Skenari bazë parashikon se për periudhën 2024-2050, kosto e plakjes së popullsisë në GDP llogaritet -0.23 pikë përqindje në vit, ndërsa për periudhën 2050-2100, plakja e popullsisë do të ulë rritjen ekonomike të Shqipërisë me 0.53 pikë përqindje në vit.

Për këdo që kupton nga ekonomia, e di që këto shifra janë dramatike për një komb që është në shuarje, ndaj koha është që shqiptarët të ngrihen, para se të katandisen në skllevër dhe azilantë në vendin e tyre.

Shkaku kryesor i këtij realiteti është narkoekonomia që Edi Rama implementoi, duke nisur me kanabizimin e deri tek kthimi i Shqipërisë në një pikë transit të drograve të forta.

Edi Rama asgjësoi sipërmarrjen dhe ekonominë e vendit, e la në mëshirë të trafikantëve të drogës, me të cilët ndan dhe konsumon pushtet. /CNA