web counter
LEXO PA REKLAMA!

SHKARKO APP

App Store
Google Play

E ngarkuara më punë e SHBA-ve, takim me ministrin e Jashtëm/ Zbardhen diskutimet

12 Gusht 2024, 18:05, Aktualitet CNA
E ngarkuara më punë e SHBA-ve, takim me ministrin e Jashtëm/
Nancy VanHorn dhe Igli Hasani

E ngarkuara me punë të SHBA-së, Nancy VanHorn, u takua këtë të hënë me ministrin për Europën dhe Punët e Jashtme, Igli Hasani, për të diskutuar çuarjen përpara të interesave të përbashkëta dhe zgjerimin e bashkëpunimit dypalësh.

Ambasada amerikane në një postim në rrjete sociale thekson se VanHorn shprehu mirënjohjen në emër të Qeverisë së SHBA-ve për mbështetjen e palëkundur të Shqipërisë në nismat rajonale të sigurisë dhe rikonfirmoi partneritetin e fortë mes Shteteve të Bashkuara dhe Shqipërisë.

"E ngarkuara me punë Nancy VanHorn u takua sot me Ministrin për Europën dhe Punët e Jashtme, Igli Hasani, për të diskutuar çuarjen përpara të interesave të përbashkëta dhe zgjerimin e bashkëpunimit dypalësh. Znj. VanHorn shprehu mirënjohjen në emër të Qeverisë së SHBA për mbështetjen e palëkundur të Shqipërisë në nismat rajonale të sigurisë dhe rikonfirmoi partneritetin e fortë mes Shteteve të Bashkuara dhe Shqipërisë", deklaron ambasada amerikane në Tiranë.

Nga ana tjetër, Igli Hasani në rrjetet e tij sociale thekson se e mirëpret bashkëpunimin për avancimin dhe thellimin e lidhjes unike mes Shqipërisë dhe Shteteve të Bashkuara.

"Mirë se erdhe në Shqipëri, Nancy VanHorn!

Mezi presim avancimin dhe thellimin e lidhjes unike mes Shqipërisë dhe Shteteve të Bashkuara", shkruan Hasani.

Nancy Van Horn ka marrë detyrën e re më 5 gusht, teksa takimi i saj i parë zyrtar ka qënë ai i zhvilluar me presidentin Bajram Begaj.

Van Horn zëvendëson në këtë detyrë David Wisner, i cili përfundoi misionin e tij në vendin tonë. VanHorn është një diplomate karriere, e cila iu bashkua Shërbimit të Jashtëm në 2007 dhe së fundi përfundoi detyrën e saj si Zëdhënëse e Byrosë së Çështjeve Europiane dhe Euroaziatike, duke koordinuar mesazhet për më shumë se 40 ambasada në Evropë./ CNA





Lajmet e fundit nga