web counter
LEXO PA REKLAMA!

SHKARKO APP

App Store
Google Play

"Show" i Veliajt/ Këlliçi: Shfaqje e turpshme, nuk ka lidhje me sportin

12 Gusht 2024, 12:45, Aktualitet CNA
"Show" i Veliajt/ Këlliçi: Shfaqje e turpshme, nuk ka
Belind Kelliçi

Shqipëria ka mbyllur Lojërat Olimpike të Parisit me dy medalje historike, megjithatë, më shumë sesa sportistët që lartësuan emrin e vendit, vëmendjen e ka marrë Erion Veliaj, i cili nuk lë rast pa përfituar nga suksesi i të tjerëve, në përpjekjet për të hequr vëmendjen nga skandalet e Bashkisë Tiranë.

Drejtuesi politik i qarkut Tiranë për Partinë Demokratike, Belind Këlliçi, në një prononcim për CNA TV u shpreh:

“Një shfaqje e turpshme, për të përfituar sado pak nga suksesi dhe arritjet e sportistëve tanë në Lojërat Olimpike të Parisit. 2 medaljet historike të fituara në olimpiadë, janë meritë e sportistëve tanë dhe askujt tjetër.

Ka vetëm një mënyrë si mund të bëhet pis ky sukses, duke ndërhyrë politika e mbi të gjitha duke parë 'show'-n e shpifur të kryehajdutit të Tiranës, Erion Veliaj, i cili nuk ka ndonjë lidhje as me sportin, as me Komitetin Olimpik, as me suksesin e 2 medalistëve tanë.

Respekte pafund për Valiev dhe Dudaev që ngritën lart flamurin tonë kombëtar në Paris dhe mirë do ishte mos ta bënin veten pis nga prania e një banditi si Veliaj, i cili është damkosur tashmë si një hajdut i parave të qytetareve të Tiranës, përfshi dhe fondet që duhet të shkonin për terrenet sportive, të cilat tashmë shkojnë për inceneratorin fantazmë!”

Veliaj si fillim u shfaq duke kapur në befasi kreun e Federatës së Mundjes, ndërsa këtë të hënë priti skuadrën olimpike, duke u përpjekur të marrë meritat./ CNA





Lajmet e fundit nga