web counter
LEXO PA REKLAMA!

SHKARKO APP

App Store
Google Play

E fundit!

x

Kush i mori medaljet, Veliaj apo sportistët?

12 Gusht 2024, 12:30, Aktualitet CNA
Kush i mori medaljet, Veliaj apo sportistët?
Erion Veliaj, foto e marre nga ceremonia e pritjes

Pas skandaleve të njëpasnjëshme në Bashkinë e Tiranës, Erion Veliaj po tenton t’i shuajë duke dhënë shfaqje të shëmtuara nga Parisi, duke bërë si një “mundës profesionist”.

Ajo që është më qesharakja është shfaqja tjetër që jep sot publikisht në pritjen e delegacionit shqiptar pas përfundimit të Lojërave Olimpike.

Veliaj sillet sikur është ai, që me atë “hedhjen e famshme”, të improvizuar sigurisht, mendon se ka fituar medaljet dhe jo sportistët Chermen Valiev dhe Islam Dudaev.

Veliaj, drejtorët hajdutë të të cilit janë pas hekurave si të përfshirë në tenderë abuzivë dhe në aferën inceneratorëve, po përpiqet që me këto skema qesharake të zhvendosë vëmendjen nga skandalet në të cilat është përfshirë.

Veliaj është nën hetim nga SPAK-u për disa dosje të nxehta po ashtu dhe për pasurinë. Po njësoj janë nën hetim pasuror dhe familjarët e tij.

Në teatrin e tij publik sot, Veliaj tha se është krenar për atë që ka vjedhur, nuk e dimë për çfarë e ka fjalën, për "punët e mira" që ka bërë me drejtorët e tij hajdutë, pasi medaljet nuk i ka fituar Erion Veliaj, por dy sportistët Chermen Valiev dhe Islam Dudaev.

 “Bashkuam një energji të jashtëzakonshme të qeverisë, të bashkisë, për të mbështetur Komitetin Olimpik, për të bërë një lojë në skuadër, ku secili ndihmon, secili jep të vetën. Jam vërtet krenar për çfarë kemi bërë. Më duhet të them që stërvitja për Los Angeles 2028 fillon sot. Kështu që do përveshim mëngët, pas këtyre festimeve dhe ceremonive, për t’u siguruar që dalim akoma më mirë, që jemi akoma më të fortë dhe për t’u siguruar që bashkëpunojmë shumë”, tha Veliaj.

Spektakli i Veliajt vijon kur thotë se ky nuk është një sukses individual, duke tentuar të vjedhë dhe atë meritë që në fakt u takon sportistëve për përgatitjen e tyre dhe jo kryebashkiakut, i cili është mësuar që të bëjë "punë të mira" me drejtorët e tij, por në rastin e tyre nuk pranon të mbajë përgjegjësitë e tij, ndërsa në këtë rast kërkon të marrë nga duart medaljet që u përkasin sportistëve dhe kurrsesi Veliajt./ CNA





Lajmet e fundit nga