web counter
LEXO PA REKLAMA!

SHKARKO APP

App Store
Google Play

E fundit!

x

Dokumenti-Policia, në dijeni të drogës në "Banaking"/ Kokaina lumë nga Ekuadori në Shqipëri

20 Shtator 2022, 13:33, Aktualitet CNA

 Dokumenti-Policia, në dijeni të drogës në

“Ziko kompani” me produktin “Bana King”, një nga kompanitë që reklamon banane në media, ka të dhëna të dokumentuara që vërtetojnë se ka trafikuar kokainë nga Ekuadori në Shqipëri prej disa vitesh.

Të paktën prej shtatë vitesh, “Banaking” dyshohet se është mbulesë e trafikut të kokainës.

Me 31 dhjetor 2021, drejtuesit e lartë të policisë së shtetit janë vënë në dijeni se një kompani bananesh “Ziko Sh.a.,  bënte transportin e kokainës që në vitin 2014.

Informatori duke iu referuar të dhënave të Agjencisë Federale amerikane për Ballkanin (DEA), ka vënë në dijeni drejtuesit e policisë, Tonin Vocaj, Hekuran Bregu dhe Gjergji Oshafi, se kompania e bananave e  kryente aktivitetin e trafikimit të kokanës që në vitin 2014.

Në dokumentin e zbuluar nga e-mailet sekrete dhe që CNA.al i ka hequr të dhënat sensitive, thuhet se me datë  9 nëntor 2014, policia kombëtare e Ekuadorit ka sekuestruar 33.35 kg kokainë e fshehur brenda njësisë frigoriferike të kontejnerit transportues.

Pra, nuk janë vetëm dy rastet e kapura në Shqipëri një vit më parë, në një magazinë në Vaqarr dhe në Portin e Durrësit, por edhe para 7 vitesh "Banaking” është kapur me kokainë dhe në Ekuador, në tentativë për ta sjellë në Shqipëri.

Dalja në dritë e këtyre të dhënave, sipas analistit, Neritan Sejamini, po na ndihmojnë të kuptojmë punën e policisë.

Dokumenti-Policia, në dijeni të drogës në
Neritan Sejamini

“Marrim për shembull 'Banaking'. Kjo kompani vazhdon punën, edhe pse është kapur me drogë. Bën reklamë, paguan media me qindra mijëra euro. Ku ta gjejmë që ka një informacion të tillë dhe të mos ketë më pikë dyshimi, që bën trafik kokaine nga Amerika Latine. Të shohim a do të vazhdojë reklama nëpër media”, është shprehur Sejamini një natë më parë, në "MCN TV".

Informacionet që disponon DEA

Dokumenti-Policia, në dijeni të drogës në

33.35 kg kokainë që i janë kapur në vitin 2014 “Ziko kompani” në Ekuador, kishin destinacion portin e Durrësit.

“Kontejneri transportues kishte ngarkesë me banana dhe kishte destinacion, Durrësin, në Shqipëri. Kompania ishte 'Zico Sh.a.'”, informohen drejtuesit e lartë të policisë së shtetit.

Pas katër vitesh, në 2018-ën, thuhet se një burim ka siguruar informacion për dy shtetas shqiptarë biznesmenë që kishin lidhje me kompaninë e bananeve "Ziko".

”Shtetasit shqiptarë, Arben Qime dhe Trifon Murataj, janë të përfshirë në kontrabandimin e kokainës në Shqipëri.

Burimi ka treguai se Murataj përdor një kompani importimi në Durrës me emrin 'ZICO SHA' për të importuar me shumicë kokainë nga Ekuadori në Shqipëri.

Kokaina e importuar ruhet në një magazinë të kontrolluar nga Arbeni, i cili më pas bën përzierjen për të krijuar sasi të mëdha”, thuhet në dokumentin më të dhënat që u janë dërguar drejtuesve të lartë të policisë shqiptare.

Këto janë informacionet që disponon DEA amerikane dhe për të cilat ka dijeni edhe policia shqiptare, në lidhje me trafikun e kokainës.

Kush është "Bana King"?

Dokumenti-Policia, në dijeni të drogës në

“Bana King”, është një ndër më të reklamuarat në mediat shqiptare, produkt i "Ziko Kompani".

Një ndër personazhet mediatikë, moderatori Ardit Gjebrea, i kushton jo pak hapësirë mediatike reklamimit të frutave të kësaj kompanie.

Reklamat në një ndër emisionet më të ndjekura, tregon qartë milionat e hedhura nga kjo kompani në media.

Por dokumenti që sapo është zbuluar tregon se ky aktivitet ka nisur më herët prej vitesh. Të paktën në vitin 2014, është pikasur në Ekuador.

Kujtojmë se me 30 dhjetor 2021, 119 kg kokainë u sekuestruan nga policia në një kontejner me banane të nisura nga Amerika Latine drejt magazinave të kompanisë "Zico Sh.a." në zonën e Vaqarrit.

Si u zbuluan 49 kutitë që mungonin në kontejnerin e “BanaKing”?

Dokumenti-Policia, në dijeni të drogës në

Historia vijon në vitin 2022.

Një ngjarje e çuditshme dhe e dyshimtë ka ndodhur në korrik, kur u raportua se në një kontejner të nisur nga Ekuadori mungonin 49 kuti. Kontejneri i deklaruar se ishte mbushur me banane i përkiste kompanisë “BanaKing” në pronësi të biznesmenit Trifon Murataj.

Kontejnerit i mungonin elementët e sigurisë dhe pa plumb, si dhe nuk u vendos në zonën e riskut.

Autoritetet dyshojnë se kutitë e marra nga kontejneri ishin të mbushura me kokainë dhe për shkak të pikasjes nga agjentët e antidrogës janë hequr nga kontejneri para se të kalonin në skaner. Për këtë ngjarje u arrestuan tre persona, dy shoferë të kamionit dhe administratori i kompanisë “Zico”, Marson Murataj./CNA.al





Lajmet e fundit nga