Droga në kamionët e Ziko Co të “Bana King”/ Skenaret me 119 kg kokainë

2 Janar 2022, 15:15, Aktualitet CNA

Policia njoftoi se kishte mundur të sekuestronte një sasi të madhe lëndësh narkotike, kokainë, të ardhur nga Ekuadori me kamionët e “Ziko Kompani”, e cila tregton “Bana King”, një nga kompanitë më të mëdha të tregtimit të bananeve në vend. Por ajo që u vu re ishte kujdesi që media të mos përmendte as emrin e kompanisë as të brand-it dhe nga ana tjetër dyshimet që u ngritën për pikëpyetjet në raportin e dhënë nga policia.

CNA.al ka mundur sot nga Prokuroria të sigurojë dokumentat e dosjes se çfarë ka ndodhur konkretisht. Sipas të dhënave thuhet se kamioni, i cili sipas policisë pretendohet se ishte kontrolluar në Itali, pasi ishte gjetur pa vulë, në Shqipëri, derisa ka rënë në duart e policisë, ka kaluar me shumë se 24 orë.

Pra, shoferi ashtu siç CNA.al ka raportuar më parë, kishte lëvizur nga vendngjarja. Kishte ndjekur rrugën nga Romanati edhe pse kanë dyshime pse ndjek atë rrugë. Gjithsesi është rruga që ka zgjedhur për të shkuar drejt Vaqarrit. Më pas ai është ndaluar nga katër persona, tre prej të cilëve kanë hipur në kamion për të rregulluar kamionin, njëri e ka kërcënuar.

Në fakt thuhet se, sipas versionit të Prokurorisë dhe personave të pyetur, të cilët janë tre personat e ndaluar por edhe deklarimet e bëra nga vetë pronari i “Ziko Kompani”, i cili gjatë kohës që ka ndodhur ngjarja pretendohet se ndodhej jashtë Shqipërisë dhe është ai personi që ka njoftuar policinë, duket se ka detaje të tjera.

Së pari pas kontrollit të kamionit, kamioni ka lëvizur nga vendngjarja. Më pas i janë ndërruar gomat dhe është çuar dhe ka qëndruar gjatë natës tek ambientet e “Ziko Kompani”. Pra, jo vetëm është lëvizur nga vendngjarja, është çuar dhe i janë ndryshuar gomat dhe më pas kamioni është futur në ambientet e kompanisë dhe ka shkuar policia në datën 30 Dhjetor, ditën kur është bërë njoftimi për mediat për kapjen e sasisë së drogës që gjendej në makinë.

Pra kishin hyrë, kishin lëvizur kutitë e bananeve dhe nuk kishin mundur ta gjenin drogën, të cilën më pas në një sasi prej 119 kilogramësh e gjeti policia dhe tashmë ka proceduar tre persona për këtë ngjarje, të cilët mbahen në arrest dhe hetimet vazhdojnë.

Sërish edhe në versionin e Prokurorisë ashtu si edhe në versionin e policisë ka mjaft gjëra të dyshimta. Duken si skenarë mafiozë të filmave ?Oktapodi? dikur, duket që ka duar që fshihen apo tentakula që janë shtrirë shumë thellë, duke filluar që nga Italia, ku dyshohet se mund të jetë grabitur një sasi droge, ardhjen në Shqipëri, skanimi i kamionit, kalimi nga Romanati, mosdenoncimi nga shoferi, ndryshimi i gomave, qëndrimi një natë brenda ambienteve të kompanisë, denoncimi i bërë tek drejtori i përgjithshëm i policisë nga vetë pronari i kompanisë, pasi ai pretendohet se kishte marrë dijeni, persona të tjerë nuk kishin informacion, ngjarja që lihet në dorë të shoferit që dinte apo nuk dinte asgjë, fakti që lëvizi nga vendngjarja, që e shmangu denoncimin e drejtpërdrejtë pasi shoferi duhet të qëndronte atje ku ishte, të njoftonte policinë dhe menjëherë të bëhej vlerësimi, por kanë kaluar orë dhe ditë dhe shumë hallka të tjera.

Shumë persona janë vënë në dijeni, të tjerë kanë folur, kanë patur komunikim direkt midis pronarit dhe menaxherëve të kompanisë e të tjera fakte si këto.

CNA.al ka mundur të sigurojë dokumentat e Prokurorisë, të cilat midis rreshtash, ashtu si dhe në rastin e policisë, lënë të kuptohet që ka pasur mjaft problematika në këtë hetim. Ka shumë dyshime, të cilat siç e theksuam edhe më lart duken si skenarë filmash mafiozë, që nga kontrolli që ka nd0dhur në Itali ku dyshohet se mund të kenë grabitur një sasi kokaine, e deri tek futja e kamionit në magazinat e “Ziko Kompani” që tregton “Bana King” dhe në finale tek njoftimi i policisë dhe sekuestrimi i sasisë së drogës dhe arrestimi i tre personave./CNA.al

Skenar mafioz dhe drogë në ?Bana King?

Si erdhi kokaina në Tiranë/ Zbardhen detajet e operacionit, në pranga tre persona

Droga në banane/ Biznesi i komanduar nga Dubai dhe milionat që ?kyçin? gojën medias

Drogë në kontejnerët e ?Bana King?/ Lihen në burg administratori dhe shoferët

Sekuestrimi i 119 kg kokainë në kontejnerin e ?Bana King?/ Ja si u kërcënua shoferi: Do të zhduk familjen

Droga në banane/ Biznesi i komanduar nga Dubai dhe milionat që ?kyçin? gojën medias