web counter
LEXO PA REKLAMA!

SHKARKO APP

App Store
Google Play

E fundit!

x

“E kanë vënë në shënjestër”/ Karamuço: Gledis Nano duhet marrë në mbrojtje

20 Shtator 2022, 09:41, Aktualitet CNA
“E kanë vënë në shënjestër”/
Gledis Nano

Pedagogu i kriminologjisë, Ervin Karamuço, ka deklaruar se ish-kreu i policisë së shtetit, Gledis Nano, duhet të merret në mbrojtje.

Kjo deklaratë e tij vjen pas publikimit të e-maileve nga grupi Homeland Justice, që ka marrë përsipër sulmin kibernetik ndaj sistemeve të policisë.

I ftuar në “ABC e Mëngjesit”, Karamuço theksoi se ky i fundit ka qenë njeriu që i është vënë nga mbrapa të gjitha grupeve terroriste në Shqipëri.

“Ai është një target për shkak se ka qenë drejtor i antiterrorit. Ka qenë njeriu që i është vënë nga mbrapa të gjitha grupeve terroriste në Shqipëri. Ka informacion për këta. Është ekspozuar për Sirinë, është ekspozuar për Iranin. Ka bërë operacione që shumica e tyre nuk do të dihen, disa kanë qenë shumë të suksesshme që u kanë bërë shumë dëm atyre.

Veçse kanë ndaluar, kanë arrestuar, kanë përndjekur shumë prej tyre me të drejtë nga ana e shtetit tonë me partnerë ndërkombëtarë. Edhe të nxjerrësh informacionet e tij, të dhënat personale të familjarëve të tij, të bankave, numrave dhe gjithçka, do të thotë ta bësh një shënjestër. Ai duhet marrë në mbrojtje”, tha ai./CNA.al

 





Lajmet e fundit nga