web counter
LEXO PA REKLAMA!

SHKARKO APP

App Store
Google Play

E fundit!

x

Dëshmia e gardianit të burgut: Veliaj telefonoi të shoqen dhe të vëllain që të takonin një avokat

24 Korrik 2025, 15:29, Aktualitet CNA

Dëshmia e gardianit të burgut: Veliaj telefonoi të shoqen dhe

Gardiani i burgut, Fatjon Baci, ka rrëfyer të tjera detaje nga komunikimi me telefon i kryebashkiakut të arrestuar të Tiranës, Erion Veliaj.

Në dëshminë e tij, Baci tregon se Veliaj kishte shfrytëzuar përdorimin e telefonit të tij për të komunikuar me të vëllain dhe të shoqen, me të cilët diskutoi të njëjtat gjëra.

Baci tha se Veliaj kishte kërkuar gjatë telefonatave që Ajola Xoxa të takonte një avokat për të bërë një prokurë ose kontratë.

“Mesa kujtoj, pasi mbaroi bisedën me vëllanë, Erioni nuk ma ktheu telefonin se bëri telefonatë tjetër, pa më thënë mua. Kujtoj se ka biseduar me gruan e tij. Këtë gjë e kuptova se u dëgjua një zë femre. Me gruan e tij foli të njëjtat gjëra si me vëllain. Erioni i thoshte gruas së tij se në seancë kishte folur edhe për përgjimet që i kishin bërë. Po kështu, gjatë bisedës me bashkëshorten, Erioni i thoshte që të shkonte të takonte avokatin për të bërë një prokurë apo kontratë, që mos t’i vinte aforfe. Pra, kërkonte që të bënte kontratën për çmimin e avokatit. Pasi foli me gruan, më tha nëse mund ta përdorte telefonin edhe për disa minuta, pasi donte të lexonte lajmet. Unë ia lashë në përdorim për rreth 5 minuta, shfletoi internetin në Safari ku shfletoi mediat.

Kur më ktheu telefonin, nuk më tha asgjë. As faleminderit. Kam dorëzuar Erionin në IEVP dhe jam larguar për në banesë. Gjatë rrugës, verifikova numrat, që ishin po të njëjtët që kishte biseduar një ditë më parë. Pra, dy numrat, vëllai dhe bashkëshortja. Numrin tjetër që përmenda më sipër që kishte '21' nuk e gjeta. Kam fshirë thirrjet dhe kam vijuar programin tim ditor”,-mësohet të ketë thënë Baci./CNA

 

 

 

 





Lajmet e fundit nga