web counter
LEXO PA REKLAMA!

SHKARKO APP

App Store
Google Play

I pandehur nga SPAK/ Avokatët ndërkombëtarë: Veliaj mohon në mënyrë të prerë akuzat

23 Korrik 2025, 18:36, Aktualitet CNA

I pandehur nga SPAK/ Avokatët ndërkombëtarë: Veliaj mohon

Pasi kryebashkiakut të Tiranës Erion Veliaj iu komunikuan 4 akuzat nga Prokuroria e Posaçme, kanë reaguar këtë pasdite edhe avokatët ndëkombëtarë të Veliajt.

Përmes një postimi në rrjetet sociale, avokatët shprehen se kryebashkiaku i mohon në mënyrë të prerë të gjitha akuzat për shkelje të ligjit.

Sipas avokatëve, do të ndiqen të gjitha mjetet ligjore për këtë çështje.

 “Sot, 163 ditë pas ndalimit të z. Erion Veliaj, rezultatet e hetimit të zgjatur nga SPAK i janë dorëzuar nga ana e prokurorisë së posaçme. Avokatët e z. Veliaj mund të nisin tashmë shqyrtimin e provave të çështjes, të kundërshtojnë qëndrimin e SPAK-ut ndaj tij dhe të paraqesin prova në mbështetje të mbrojtjes.

Z. Veliaj i mohon në mënyrë të prerë të gjitha akuzat për shkelje të ligjit. Ne mbetemi në bindjen se vijimi i ndalimit të z. Veliaj është i paarsyeshëm, i panevojshëm dhe joproporcional. Kemi shqetësime serioze se kërkesat e Konventës Evropiane për të Drejtat e Njeriut (KEDNJ) nuk janë respektuar në rastin e tij. Fatkeqësisht, prej gati 3 muajsh, z. Veliaj është penguar të ketë akses te avokatët e tij ligjorë ndërkombëtarë, gjë që cenon seriozisht aftësinë e tij për të ushtruar të drejtat që i garanton KEDNJ-ja.

Si një funksionar i zgjedhur në mënyrë demokratike, të cilit i është pamundësuar ushtrimi i mandatit, është thelbësore që SPAK të ketë vlerësuar domosdoshmërinë e vazhdimit të ndalimit të tij. Deri më sot, nuk ka asnjë provë që kjo është bërë.

Jemi thellësisht të shqetësuar për mënyrën se si është zhvilluar hetimi. Së fundmi, detaje në lidhje me përfundimin e hetimit dhe raportin e Prokurorisë janë rrjedhur në mediat shqiptare. Kjo rrjedhje informacioni është në përputhje me trajtimin që i është bërë z. Veliaj që prej ditës së arrestimit, ku të dhëna paragjykuese mbi hetimin e SPAK-ut janë publikuar vazhdimisht në hapësirën publike. Nga informacionet e marra prej avokatëve të tij vendas, kuptojmë se këto rrjedhje përbëjnë shkelje të sekretit hetimor sipas legjislacionit shqiptar.

Ne do të vazhdojmë të punojmë ngushtësisht me ekipin ligjor vendas të z. Veliaj dhe të ndjekim çdo mjet ligjor të mundshëm”,-thuhet në reagim./CNA

 

 

 

 

 





Lajmet e fundit nga