web counter
LEXO PA REKLAMA!

SHKARKO APP

App Store
Google Play

Deklarata skandaloze/ Shefja e Onkologjikut: Të sëmurët me kancer, të aftë për punë 

17 Korrik 2024, 22:48, Aktualitet CNA

Skandali i Onkologjikut, i dalë në dritë në fund të qershorit, vijon të trondisë qytetarët shqiptarë.

Që nga kryeministri i vendit, Edi Rama, ministrja e Shëndetësisë, Albana Koçiu, mjekët e përfshirë në skandal, e deri tek titullarët e tjerë në institucione janë përpjekur të ndryshojnë rrjedhën e ngjarjes, duke fajësuar sa njërin faktor - tjetrin.

Së fundmi, shefja e shërbimit Onkologjik në Spitalin Universitar Nënë Tereza, Silvana Çeliku, në Komisionin e Shëndetësisë dhe Çështjeve Sociale, ka lëshuar disa deklarata shokuese.

Së pari, Çeliku pranon se mungesa në ilaçe ka pasur dhe do të ketë, ndërsa i ka trajtuar të sëmurët me kancer si të aftë për punë, të cilët nuk kanë nevojë për kemp. Sipas zonjës Çeliku, duhet të jesh në pragun e vdekjes që shteti të të suportojë ekonomikisht. 

“Ne jemi i vend i vetëm në botë që nuk kemi radhë pritje, 2-3 javë nuk quhet radhë! A ka mungesa? Po ka, dhe do të këtë nuk e fshehim...

Problemi i KEMPI-t unë kam opsionin tim... të sëmuresh me kancer nuk do të thotë je e paaftë për punë. Asss… kur je duke vdekur këtu pastaj ndryshon”, tha Çeliku.

Nuk e dimë nëse zonja Çeliku e ka gafë këtë deklaratë, apo bindje, por që të sëmurët me kancer kanë nevojë për trajtim të veçantë dhe të kujdesshëm është pak, por e sigurt./ CNA





Lajmet e fundit nga