LEXO PA REKLAMA!

SHKARKO APP

Debate në komisionin e Ekonomisë/ Zv.ministri nxjerr blof Jorida Tabakun

11 Nëntor 2022, 12:02, Aktualitet CNA

Debate në komisionin e Ekonomisë/ Zv.ministri nxjerr blof Jorida

Në komisionin e Ekonomisë po diskutohet sërish për vendosjen e fashës 800 KWH.

A është i nevojshëm apo jo? Kjo ka qenë çështja që ka sjellë debatin mes deputetes Jorida Tabaku dhe zv.ministrit Dhimo Kote.

"Çmimi në tregun ndërkombëtar në nivelin e para luftës. Fasha, a është e nevojshme? Konsumi për familjet shqiptare, më i ulët se vendet e tjera të rajonit, nga krahu tjetër çmimi për +800 KWH, është nga më të lartat". - tha Tabaku.

Zv.ministri Kote tha se vendimi është marrë dhe se për këtë është bërë një analizë e thelluar, ku i paraqiti deputetes shifra dhe llogari konkrete.

 "Vendimi është marrë tashmë, ka rezerva te brendshme! Për fashën 800 KWH, kemi bërë një analizë, se sa janë konsumet ditore për ta krijuar mjedisin e përshtatshëm mesatar për të jetuar. Kemi bërë një listë, mbi konsumet kryesore, gatimi, ngrohja, akomodimi, kufiri është nën 800 KWH, por ne e kemi rrumbullakosur. Është 2.7 herë më shumë se në 2013. Me 300 KWH asokohe mendohej se një familje mbulonte nevojat kryesore pa ngrohjen, ne me llogarinë tonë bashkë me ngrohjen rezulton diçka mbi 500 KWH, ndërsa ne e kemi vendosur 800 KWH, që mund të evitohet. Pra ai konsumator që i duhet më shumë, ne mendojmë se ai 1 këh më shumë duhet ta paguaj pak më shtrenjtë."- tha Kote.

Tabaku është shprehur më tej se ky është një abuzim i qeverisë, me argumentin se çmimi ka vetëm 3 muaj që është rritur në bursë.

"Çmimi vetëm tre muaj ka qenë më i lartë në bursë dhe këtë e keni paguar nga buxheti i shtetit. Keni alokuar një fond. Ju po abuzoni, e padrejtë."- tha Tabaku.

"Ne se marrim në konsideratë si ka qenë, por ne shohim cost recovery, pra sa na del kostoja për 1 KWH për të mbuluar konsumatorët e mbi 800 KWH. Është përballuar pjesa më e madhe nga buxheti. Pritet të kemi deri në fund të vitit 28 miliard lekë, 256 mln euro. Ne na ndihmojnë reshjet për të mbajtur nën kontroll dhe importin. Nuk është fare e vërtetë që çmimi ka qenë i ulët, 346.63 euro për gjithë vitin si mesatare për vitin tjetër 2023. Këto parashikohen çmimet e bursës. S’po shohim gazin, pasi ne nuk e përdorim këtë. Pritshmëritë janë që në vitin tjetër të futen në lojë fotovoltaikët, të paktën në 6-mujorin e dytë. Kjo do të ndryshojë dhe mënyrën se si menaxhohet energjia, pasi ne kemi pikun e konsumit në mes të ditës… Kjo është llogari. Masa edukuese. 75 mln euro është efekti ekonomik, 19% e totalit të konsumit. 3.48% janë konsumatorët që përfshihen, ose 39 100 familje", – sqaroi më hollësisht Kote./CNA.al

 

Lajmet e fundit nga