LEXO PA REKLAMA!

SHKARKO APP

"Gjithçka po bëhet për qëllime elektorale"/ Rama i kthehet sërish deklaratës së Suella Baverman

11 Nëntor 2022, 11:10, Aktualitet CNA
"Gjithçka po bëhet për qëllime elektorale"/ Rama
Edi Rama, Suella Baverman

Kryeministri Edi Rama gjatë një interviste për median britanike “Sky News” u është rikthyer edhe një herë akuzave të Sekretares së Brendshme të Britanisë.

Lidhur me këtë deklaratë Rama reagoi sërish dhe u shpreh se fjala e Baverman ishte e ekzagjeruar.

Më tej kryeministri u shpreh se është ende në pritje të një faljeje nga qeveria e Mbretërisë së Bashkuar, për komentet e Sekretares së Brendshme.

Në intervistën për ‘Sky News’, kreu i qeverisë u shpreh se këto deklarata po bëhen për qëllime elektorale.

“Nuk kam dëgjuar kurrë një falje, gjë që më bën të mendoj se në vend të shprehjes së ekzagjeruar të zhgënjimit, ky ishte një sulm i llogaritur. Dhe kjo është gjëja më shqetësuese. Kur kërkon falje, është në rregull – ndodhi. Kur nuk e bën, dhe kur e shmang, atëherë do të thotë se dëshiron diçka nga ajo që thuhet.  Pra, do të thotë se ka një llogaritje pas saj, do të thotë që vërtet po flet me një numër të caktuar votuesish që duan të dëgjojnë këtë.  Dhe ju po i ushqeni me këtë sepse keni nevojë për votat e tyre. Por pasojat e kësaj mund të jenë shkatërruese për njerëzit, për njerëzit tanë në Britani dhe për vetë Britaninë.”- tha Rama.

Kujtojmë se pas ditë më parë Sekretarja e Brendshme, Suella Baverman, bëri një deklaratë të fortë ku e cilësoi mbërritjen e shqiptarëve në Angli si “pushtim”, dhe etiketoi shqiptarët si “kriminelë”.

Lajmet e fundit nga