web counter
LEXO PA REKLAMA!

SHKARKO APP

App Store
Google Play

CNA raportoi kontrollin e banesave/ SPAK jep detaje nga aksioni për Ahmetajn, çfarë u sekuestrua

18 Korrik 2023, 15:34, Aktualitet CNA

CNA raportoi kontrollin e banesave/ SPAK jep detaje nga aksioni për

CNA raportoi mbrëmjen e djeshme se GJKKO ka lëshuar urdhër-kontrolle për banesën e Arben Ahmetajt dhe për banesat e 6 personave të tjerë të përfshirë në dosjen e ish-zv.kryeministrit.

Për këto kontrolle ka reaguar pak më parë SPAK. Prokuroria e Posaçme ka dhënë detaje nga aksioni dhe ka treguar se çfarë u gjet në banesa.

Konkretisht janë sekuestruar dokumente me interes për hetimin si dhe kompjuter lap – top, telefona celularë, USB etj., të cilët do t'i nënshtrohen verifikimeve të mëtejshme.

Gjithashtu, nën sekuestro janë vënë 4 apartamente dhe 2 llogari bankare me 124 300 euro, të Arben Ahmetajt.

Njoftimi i SPAK:

Prokuroria e Posaçme Kundër Korrupsionit dhe Krimit të Organizuar dhe Byroja Kombëtare e Hetimit në bashkëpunim me Drejtorinë e Përgjithshme të Policisë së Shtetit, në kuadrin e hetimit të procedimit penal nr. 277/1 të vitit 2022, të regjistruar për veprat penale të “Shpërdorimit të detyrës”, “Korrupsionit pasiv të funksionarëve të lartë shtetërore ose të zgjedhurve vendorë”, “Korrupsionit aktiv të funksionarëve të lartë shtetërore ose të zgjedhurve vendorë”, “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim” dhe “Pastrimi i produkteve të veprës penale ose veprimtarisë kriminale”, parashikuar respektivisht nga nenet 248, 260, 245, 257/a dhe 287 i K.Penal (procedim penal  i regjistruar ndër të tjerë edhe në ngarkim të personit nën hetim Arben Ahmetaj), sot, më datë 18.07.2023 ka proceduar me kryerjen e kontrolleve dhe sekuestrove si më poshtë:

Në zbatim të vendimeve të Gjykatës së Posaçme të Shkallës së Parë Për Korrupsionin dhe Krimin e Organizuar Tiranë me nr.295 akti datë 16.07.2023 dhe nr.297 akti datë 17.07.2023 ka ushtruar kontroll në 7 (shtatë) banesa. Gjatë kontrollit janë gjetur dhe sekuestruar dokumente me interes për hetimin si dhe kompjuter lap – top, telefona celularë, USB etj të cilët do ti nënshtrohen verifikimeve të mëtejshme.

Në respektim të vendimit nr. 296 akti datë 17.07.2023 të Gjykatës së Posaçme të Shkallës së Parë Për Korrupsionin dhe Krimin e Organizuar ka proceduar me zbatimin e masës së sigurimit pasuror, sekuestro preventive mbi 6 (gjashtë) pasuri nga të cilat 4 (katër) apartamente (njëri i përshtatur si AIR BNB) në pronësi të personit nën hetim Arben Ahmetaj si dhe 2 (dy) llogari bankare të po këtij shtetasi në shumën 124 300 (njëqind e njëzetë e katër mijë e treqind Euro)./ CNA.al





Lajmet e fundit nga